Cortok 50 urte, euskaraz 30

 

“Corto Maltese” pertsonaia Hugo Pratt italiarrak sortu zuen 1967an, eta duda barik, komiki munduan pertsonai ezagunetarikoa da gaur egun (ezagunena ez bada) . Aurten bere 50. urtebetetzea mundu osoan ospatzen delarik, guk ere hori egingo dugu, bere urteurrena ospatu, Antxeta argitaletxe lapurtarrak, Cortoren lanetariko bat argitaratu zuela 80. hamarkadan gogoratuz : Ethiopikoak.Ethiopikoak

Les Éthiopiques Castermanek 1978 urtean kaleratu zuen eta lau abentura ezberdin batzen dira albumean: 1. Allah Urrikalkorraren izenean, 2. …han belarra beti berde bait da eta anaiek anaiei gorroto bait diete, 3. eta beste Romeorik, eta beste Julietarik, 4. Rufiji-ko gizon-lehoinabarrak .

 

Antxeta argitaletxea

Lapurdin 1987an Ladix Arrosagaray eta Roger Labianok sortu zuten. Biak ainhoarrak eta biak AEKko liberatuak izanak.   Argitletxea aktibo egon zen bi urteetan autore handien albumak itzuli zituen euskarara, adibidez, Cosey (Angouleme saria 2017), Bourgeon edo Hugo Pratt.

Ladixek komikeriri eskaini dion elkarrizketan horrela azaltzen du Antxetaren sorrera:

“Frantses Estatu peko euskaldunak izanik komikiari buruzko bertze “kultura” bat genuen, alde honetan zinezko artetzat ikusia baitzen eta jendartean errekonozimendua lortua zuelako. Beraz Antxeta sortu genuen komikia euskaraz argitaratzeko, itzulpenak hastapenean (merkeago ateratzen zitzaigulako) baina tokiko sorkuntzak helburu. Lema barrukobat ere asmatu eta erabili genuen “literatura iruditan” ordu arteko ikuspegi nagusia aldatzen joateko. Baina “euskaraz goza” ere izan zitekeen helburuetako bat baitzen.

“Antxeta komiki franko-belgiarra itzultzen hasi ginen, garai hartan hori baitzen puntakoena eta gustukoa genuena, eta hori Euskal Herrian ezagutaraztea genuen xede, irakurleak kontura zitezen benetan literatura iruditan egitea zela, hortik zaletasuna pizten entseatu sorkuntzari bidea zabaldu ahal izateko”

Antxeta bi urtez iraun zuen hala ere euskal komikigintzaren ondarean utzitako obra ez makala, hona hemen argitaratutako lanen zerrenda:

Jaunes. 1., Errealitatearen mugetan / gidoia, Bucquoy ; marrazkiak, Tito
Jaunes. 2., Gerard deabrua / gidoia, Bucquoy ; marrazkiak, Tito
Haizearen bidaiariak. 1., Neska bat untzian / François Bourgeon
Haizearen bidaiariak. 2., Untzi kartzela / François Bourgeon
Ethiopikoak / Hugo Pratt
Oroit hadi, Jonathan__ / Cosey

Corto Maltese gurtutako heroia komikizale eta komikizaleak ez direnen artean ere. Bere abenturen liburuak  munduan zehar saldu dira, ia hamar milioi ale, eta horien artean Antxetak argitaratutakoak daude.

 

 

Advertisements

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s