baina 40 urte eta gero…. zakilixut xutik!

 

Euskal komikigintzak gaur badu  zer ospatu. Zakilixut Egin egunkariarekin batera jaio zen orain 40 urte eta denbora gutxian oso ezaguna bilakatu zen euskal irakurleen artean. Egin egunkarian aritu ostean, Euskaldunon Egunkarian marrazteari ekin zion Olariagak, eta 2003an hau indarrez itxi ostean, Berriara egin zuen salto. Berriako kontrazalean, leku pribilegiatuan, segitzen du gaur ere Zakilixut osasun ezin hobean.

Gure komikeriko komikizulo atalean,  orain dela 5 urte, idatzi eta ospatu genuen Zakilixuten 35. urteurrena. Baina gaurko ospakizuna askoz borobilagoa dugu.

Zorionak zure urtebetetzean
Zorionak, ta urte askotarako
Zorionak belarritik tiratzean
Zorionak ta musu bat zuretzako.

Tumatxa hi!

 

 

Advertisements

Gudu garratza: inurri eta listorren parabola

” La gran guerra : una aventura de Bibi i Tobi”, 1965 urtean, gerra ostean katalaneraz argitaratu zen lehen albuma izan zen. Euskaraz  Gudu Garratza: Handi eta Lodi, bezala, 1974 urtean argitaratu zen. Itzulpen lanetan, Donostiako Lizeoko ikasleak ibili ziran, behintzat hala agertzen da kredituetan. Argitaratzaile moduan berriz, Montserrateko abatetxea agetzen da. Euskarazko liburuak argitaratzeko helburuarekin, Kataluniako abatetxeak bilduma lerro bat jarri zuen martxan: Panpina.

 

Miquel Ángel Sayrach-ek (1927-1993)    aipatutako Montserrateko abatetxearen babespean sortutako L’infantil tebeoaren zuzendaria izan,   bere anaiagaz batera. Geroago aldizkariak Tretzevents izena hartu zuen.
Herri baketsuan bizi diren inurriak dira Bibi eta Tobi,  Sayrach-ek sortutako pertsonaiak. Euskaraz Handi eta Lodi izena hartu zuten. Egun txar batean listor gaiztoen erasoa pairatu beharko dute baina. Ez da azaldu beharrik, komikia, lehenengo atalka eta gero album modura argitaratu zena, garai hartako parabola politiko garbi bat adierazten zuela. Ederto ilustratutako parabola frankismo garai betean argitaratu zen, baina gaur eguneko Kataluniako egoera islatzeko  ere oso egokia izan daitekeela deritzogu.
 

Brusela… datorren urtera arte

Etxepare Euskal Institutuaren eskutik, eta Euskadiren Europar Batasuneko Ordezkaritzarekin elkarlanean, euskal komikigintzak Bruselako Fête de la BD / Strip Feest Nazioarteko Komiki Jaialdian parte hartu du asteburu honetan ospatu den  edizioan.  EUNIC kultura institutu nazionalen europar sarekideekin lankidetzan antolatzen da ekitaldia ; Etxepare Institutua 2015eko urtarrilean bilakatu zen sare horren partaide.

Euskal Herriko ordezkariak aurtengoan Ainara Azpiazu, Axpi eta Iñaki Martiarena, Mattin izan dira. Axpik haurrentzako tailerra eskaini zuen larunbatean, eta Mattinek sorkuntza tailerra igandean, hau ere haurrentzakoa. Bietan publikoak parte hartu du eta artista biak pozik etxeratu dira.

IMG_20170902_131554 (1)

IMG_20170903_111747

Mattinen sorkuntza tailerra

IMG_20170902_130206 (1)
Ainararen haurrentzako tailerra

 

 

Era berean, sektoreko editoreek, profesionalek eta publikoak euskal komikigintza hobeto ezagutzeko aukera izan dute, hainbat argitaletxeren komikiak eskuragai egongo baitira jarritako Standean, Harriet, Astiberri, Norma, Txalaparta edo Elkar argitaletxenak, besteak beste.

Aipatu behar da Bruselako azokan banatzen diren zazpi sarietatik bat,  Thierry Muratek  eraman duela, “Etunwan, celui qui regarde” lanagatik.  Thierry Murat, gaur Landetan bizi da, Ipar Euskal Herritik oso gertu. “Bolada txarrean” izeneko ikuskizuna berak sortutako lan batean oinarritutako zuzeneko komiki-kontzertua da eta kontzertuaren euskal bertsio bat ikusgai egon zen hainbat herritan. Zorionak Thierryri!

IMG-20170903-WA0004

Franquin-en jarraitzaileak ugariak dira Bruselan, zelan ez…

 

.