Lucio Intxaurrondoko kultur etxean

Erakusketa

Intxaurrondo Kultur Etxetik dator notizia. LUCIO URTUBIA, bizitza borrokan binetaz bineta erakusketari hasiera emango diote martxoaren 10ean, 18: 30ean. Gerezi-garaia da 2017an Belatz egile nafarrak sortu zuen eleberri grafikoaren izena, Urtubiaren biografia jasotzen zuena. Jose Torre eta Kike Infame dira erakusketaren komisarioak, eta komikia sortzeko prozesua zelakoa izan zen bertan ikusgai izango da martxoaren 26ra arte.

Solasaldia

Erakusketa borobiltzeko, inaugurazio egunean , 19: 00etan, nobela grafikoari buruzko solasaldi bat gidatuko du Igor Leturia komiki adituak, egilearekin batera.

Eta filma ere bai.

Erakusketaren azken egunean, martxoaren 26an,  Lucio filmaren proiekzioa izango da, 19: 00etan, eta Jon Garañok dinamizatuko duen emanaldi osteko mahai-inguruan Jose Mari Goenaga (zuzendaria) eta Xabier Berzosa (ekoizlea) entzuteko aukera izango da.

Informazio gehiago Donostia Kulturaren web orrian:
Erakusketa: https://www.donostiakultura.eus/index.php?option=com_flexicontent&view=items&cid=29&id=91215&Itemid=314&lang=eu
Solasaldia: https://www.donostiakultura.eus/index.php?option=com_flexicontent&view=items&cid=33&id=89513&Itemid=314&lang=eu
Zinema: https://www.donostiakultura.eus/index.php?option=com_flexicontent&view=items&cid=20&id=91134&Itemid=314&lang=eu
—————————————————

Angulema, komikiaren urteroko topagunea

Aurreko post batean Angulemako euskal egileen hitzorduak aipatu genituen. Guztiak han izan zirela ziurta dezakegu, eta ziurta dezakegu ere betiko giro onean joan zela Angulemako jaialdiaren 47. edizioa.

Aritz Trueba Bujan komikiaren ilustratzailea Akileosen standean aurkitu genuen eta gertu, Harriet etxeko hiru mosketariak (denak batentzat eta bat guztientzat!), Harriet, Alex eta Garluk, La Honte et l’Oubli albumaren sinaketan. Ez genuen Dani Fano harrapatu Rackham editionseko standean, … eta amaitzeko, Erresistentziaren Museoaren baitan lanean ibili ziren Marko eta Iñaki Holgado. Argazkian euren komikiaren gidoilaria izan den Jean-Yves Le Naour histolariarekin daude.

Erakusketen maila beti bezala izugarria izan zen. Bat aipatzekotan Lewis Trodheimen erakusketa APARTA aipatu behar dugu. Ezin baino hobeto antolatua, oso modu fresko eta originalean aurkeztua eta edukinen aldetik aparta.

Ostiral iluntzerako La Giraffe tabernan urteroko zita jarrita zegoen. La Giraffe bihurtu zen berriz ere euskal komikiaren ZERO GUNEA ordu batzuetarako. Handik igaro ziren guztiak ez dira post honetan kabitzen…

Manga komiki baten norabidea jarraituz: Aritz Trueba, Garluk Agirre, Julen Ribas, Belatz eta Mikel Begoña
argazkiaren © Aritz

Ea datorren urtean leku berean, berriz ere, elkar ikusten dugun!

Euskal Komikigileen Angulemako sinaketa txandak

Urtarrilaren 30ean nazioartean den Komiki Jaildi handienetako batek, Angulemako komiki jaialdiak, ateak zabalduko ditu. Bertan izango dira komiki sinaketan Euskal Herritik joandako hainbat egile .

Orain arte konfirmatu ahal izan ditugunak hauek dira, baina badakigu agian gehiago ere Angulemak izango direla. Eguneratuz joango gara informazioa:

Irabazitako hamarkada

Hamarkada bat bukatu da eta balantzeak egiteko garai aproposa da. Euskal komikiarentzat XXI mendekoaren bigarrena irabazitako hamarkada izan dela lasai asko ziurta dezakegu . Inoiz baino biziagoa eta inoiz baino oparoagoa… hemen dugu euskal komikigintza.

Frogak

Hemen beheko grafikoan dago froga nagusia, komiki ekoizpen-datuak. Argi eta garbi erakusten du grafikoak 10eko hamarkadaren hasieratik goranzko joera bat eman dela eta gailurra itxi dugun urtean kokatzen dela.

Datu orokorrak kontuan hartzen baditugu diferentzia ez da makala. 2000-2009 tartean 63 komiki argitaratu baziran, azken hamarkadan 179 izan dira.

Ekoizpen- eredua erabat aldatu da. XX. mendeko lehen komikiek, aurreko tendentziei eutsiz, irakurle gazteenen konplizitatea bilatzen zuten, hala ere, Internet eta joku elektronikoen konpetentzia areagotuz joan zen neurrian, komikiek ozta-ozta manten zezaketen aurreko garaietako irakurlegoa. Gaur eguneko komiki gehienek irakurle heldua dute helburu, baina, hala eta guztiz ere, azken urteetan balantza orekatuz joan da, eta eskaparateetan ume eta gazteei zuzendutako komiki interesgarriak gero eta ugariagoak dira. Horixe dugu komiki-kultura etorkizunean bizirik mantentzeko formulan datu garrantzitsu bat.

XXIeko lehen hamarkadako ekoizpen-eredua badu beste diferentzia nabarmen bat. Liburutegi publikoetarako egiten zen erosketa sistemari esker editoreek komiki salmenta kopuru konkretu bat ziurtatzen zuten (Euskarri Orokorra izeneko formularen bitartez). Eta formulak izan zezakeen alde positiborik, baina alde labainkorragorik ere. Editoreek euren produktuak merkaturatzeko baino, liburutegi sarean kokatzeko helburuarekin baino ez sortzearen arriskuaz ari gara. Gerta zitekeen adibidez serie europear klasiko bateko album solte bakar bat kaleratzea, eta seriea publikatzen jarraitzeko asmorik izan gabe.

Gaur aldiz estrategia berri bat dago komikigintzari laguntzeko sortu den formulan. Irudi sorkuntzarako Eusko Jaurlaritzak duela hiru urte martxan jarri zituen diru-laguntzetan adibidez. Kasu honetan dirulaguntzek komikiaren egilea saritzen dute, baina argitaletxe baten babespean dauden proiektuek sendotasun bat erakutsi behar dute, sortzen den produktua behar bezala merkaturatuko dela ziurtatuz. Estrategia berri honek eman du emaitza onik eta badira Euskal Herrian sortutako komikiak nazioartera zabaldu direnak.

Baina laguntzak motor konplexuago baten pieza bat besterik ez dira. Beste piezak, inportanteenak, argitaletxeak, egileak eta irakurleak dira.

Eta motor baten funtzionamendu onerako pieza guztiak behar bezala sinkronizaturik eta urindaturik joan behar dira, euskal komikigintzaren motorrak aurretik dituen kilometroak eta kilometroak, hamarkadak eta hamarkadan ibiltzen segitzeko.

By komikeri

Patrice Ordas zendu da

Patrice Ordas komiki-gidoigilea atzo hil zen 68 urte zituelarik.

SOS Lusitania komikia aurkeztera etorri zen Patrice Ordas Parrapean Egunetara 2016an

Nobelagile eta komiki gidoigile oparoa izan zen Patrice, batez ere komiki historikoaren alorrean nabarmendu zena. Berrogeitik gora dira komikietara egokitu zituen gidoiak eta batez ere L’Ambulance 13 seriearekin lortu zuen arrakasta. Euskaraz Harriet etxearen eskutik agertu zen SOS Lusitania albuma 2016an, eta Patricek Manini eta Cothiasekin batera sinatu zuen gidoia. Patrice Ordas ezagutzeko aukera izan genuen Parrapean Egunetara komikia aurkeztera etorri zenean. Goian Bego Patrice.

Komikien inguruan ekitaldi ugari Donostian: Dzirt-dzart eta Komikiak egiteko masterclassa

Komikien inguruan proposamen berri ugari antolatu dituzte Donostiako Kultura eta Komikigunekoek:

Azaroaren 27an Dzirt-dzart saio berri bat ospatuko da Intxaurrondoko Kultur Etxean. Bertan parte hartuko dute Ainara Azpiazu ‘Axpi’ eta Iñaki Martiarena ‘Mattin’ komikigileek, Idoia Torregarairen gidaritzapean. Saioa Donostia Kulturak antolatu du Komikigunearen laguntzarekin batera.

Azaroak 28an, goizez, 9etatik 14etara komikigileei zuzendutako formakuntza saio bat antolatu dute Komikiguneko lagunek. Koldo Mitxelena Liburutegiko Ganbaran izango da saioa eta irakasle lanetan puntako egileak gonbidatu dituzte bertara: Dani Fano, Albert Monteys eta David Rubin.

Tailer edo masterclassaren gai nagusiak orri konposizioa. narratiba estrategiak. bunbuiloak eta errotulazioa izango dira. Ondoren egileekin inguruko jatetxe batean bazkaltzeko aukera izango da.


 


 

Komiki berri bat saskira! Asiskoren “1620. Nafarroa Beheregaina”

Komiki berriak, aurkezpenak, ekitaldiak… 2019a urte oparoa izan dela, behintzat komiki ekoizpenaren ikuspuntutik, ez dago dudarik. Argitaratu den azken-azkena Nabarraldek editatu duen Asiskoren komikia dugu: 1620. Nafarroa Beheregaina. Datorren astelehenean, abenduak 2an, aurkeztuko du egileak Donostiako Koldo Mitxelena Kulturunean.

Antzara eguna, Santi Brouarden hilketa kontatzen duen eleberri grafikoa kalean da

Datorren asteartean, azaroaren 19an, 11:30ean Bilboko La Bolsan aurkeztuko dute komikia egileek, Harkaitz Cano eta Adur Larreak. Aurkezpen lanetan Garazi Arrula, Txalapartako editorea, ibiliko da. Seguru gaude Antzara Egunak aurten izan den komiki ekoizpen apartari ginda jarriko diola.

1984ko azaroaren 20a izan zen aukeratutako eguna, orduan erahil baitzuten, Bilboko Errekalde Zumarkalean zuen pediatria kontsultan, Santi Brouard. Hilketa Espainiako Barne Ministerioaren fondo erreserbatuak erabiliz finantzatu zutela ondo frogatu zen arren, goi erantzuleek aurten bete dituzte 35 inpunitate urte.

Asterixen 60. urteurrena

Asterix galiarra Pilote aldizkariarekin batera jaio zen duela 60 urte. Iñaki Beobide zumaiarrak aldiz, Asterixek baino urte batzuk gehiago ditu. Hala ere Asterixen ausardia bera erakutsi zuen 1976an Pilotek urte batzuk lehenago kaleratutako seriea euskaratu eta publikatu zuenean.

Aztertu genuen gaia aspaldi gure blogeko sarrera batean.

Azken Getxoko Komiki Azokan izan genuen Iñaki Beobideren edizio mitikoaren ale bat eskuratzeko aukera. Gure komikiteka partikularrean gorde dugu!

Euskaldunak erdal komikietan (VII): Ravel ziburutarrak badu bere komiki biografikoa

Karol Beffa eta Guillaume Metayeren gidoiarekin, Aleksi Cavaillezen marrazkiarekin, Delcourt etxeak kaleratu zuen abuztuan musikari lapurtarraren komiki biografikoa.

Gidoiaren haria 1936 urtean du hasiera, Ravelek bere lagun mina den Roland-Manuel dizipuloari bere bizitza kontatzen dionean eta, era berean, bere musika lan ospetsuenak konposatzen dituen bitartean.