Bideojoak, pelikulak, komikiak

Komiki istorio eta serieak, bideojoko, telebista zein pelikuletarako elikagaia izan dira aspalditik. DC eta Marvel faktoriako superheroietatik hasi eta gaur eguneko nobela grafikoetara adibideak ugariak dira: Persepolis, Rosalie Blum, Adeleren bizitza, Zimurrak etab.
Eta  azken berrietan ikusten dugunez joera gero eta nabarmenagoa da. Oraintxu jakin berri dugu Juanjo Guarnido eta Juan Díaz Canalesen Black Sad seriea PS4, Xboc One, Nintendorako bideo jokoa bihurtuko dutela 2018ko amaiera aldera. Bestalde, Valérian, Pierre Christinek eta Jean-Claude Mezièresek sortutako komikia uztailaren 21ean zinemaratuko da, Luc Besson zuzendariaren eskutik.

Gurean Gartxot, izan da zinemaratu den azken komikia. Juanjo Elordik zuzendutako pelikula 2011an estrenatu zen, Asisko Urmeneta, Marko Armspach eta Jokin Larreak komikia sortu eta zortzigarren urtera. Noiz dator hurrengoa?

Advertisements

Parrapean… eta hirugarrena

Amaitu ziran ‘Parrapean-Komiki Egunak’.  Euskal Komikigintzan espezializatu den jaialdi honen hirugarren edizioa pasadan urriaren azken astean burutu zen Begoñako eta Santutxuko hainbat lekutan. Erakusketak, omenaldiak, liburu aurkezpenak eta zuzeneko emanaldiak ez ziran falta.

Komiki egunen Laburpen modura ondorengo bideoa argitaratu da

 

Ardatz bi izan ditu aurtengo Parrapean jaialdiak. Bat Antton Olariaga. Ilustratzaile handia Bilbon omendua izan da. Bere komikigintzan egin duen 14716345_10207730715726978_6517010265816760393_nibilbidea errepasatzen duen  Marra eta Hitza erakusketaren antolatu zen Begoñako liburutegia.  Aurtengo Joseph Camino saria berak jaso du ere.

Bigarren ardatza, Kataluniako komikigintza izan zen. Mahai-inguru bat antolatu zen urriaren 28an Santutxuko Udaltegian. Merçe Canela, Cavall Forteko zuzendaria eta  Cristina Losantos eta Oriol Garcia komikigileak, elkarrizketa luzean aritu ziran Xabiroiko zuzendaria den Dani Fanorekin. Ekitaldia zuzentzen Igor Leturia  komiki aditua primeran ibili zen. Ideia eta esperientzia truke emankorra izan zen duda barik.

Bilboko Casal Bilbaoko lagunek, arratsaldea girotu zuten Karmelo plazan egindako Castanyadarekin.

img_20161029_182948

Euskal komiki aurkezpenak ere izan ziran: Harkaitz Cano eta Iñaki Holgadok “Museo bilduma”. Gregorio Muro “Harriet”ek eta Daniel Redondok “Ion eta Mirka” , 80. hamarkadan kaleratutako komikiaren berrargitarapena, orain Harriet edicionesen eskutik kaleratu da. Ion Iñaki Artetxe izan zen liburu honen aurkezle bikaina, eta baita geroago aurkeztu zen liburuarena ere, S.O.S Lusitaniarena. Kasu honetan, Parrapean jaialdira Patrice Ordas, komikiaren gidoigilea,  bretainiatik heldu zen zuzenean Santutxura komikia aurkeztera.

 

‘Wanne – Eickel Martutene’  izeneko erakusketak Marlene Krause eta Irkus Zeberioren lanak Bilbora ekarri zituen. Erakusketa Begoñako liburutegian emandako tailerrarekin osatu zuten:  ‘Danbalahara! Euskal onomatopeiekin lanean’ .  Bidebarrietako liburutegian “Komikiak gerra zibilean” erakusketa antolatu zen.

Urtez-urte indar gehiago hartzen duen euskal komiki merkatua ere Karmelo plazan izan zen.

Komiki Egunak La Nube pubean bukatu ziren. Bertan 4 komikigile aurrez aurre jarri ziren marrazketa dema interesgarrian. Axpi, Josevisky, Oriol Garcia eta Sussana Garcia.

Zuzeneko ekitaldiaren ostean, publikoa gehiagoren zai geratu zen. Baina hori, behar bada, datorren urtean izango da, Parrapean komiki egunen IV edizioan.

 

 

 

 

Parrapean 2015 laburpena

Urriaren 24tik urriaren 31ra, Parrapean Komiki Egunak  Bilboko Begoña auzoan ospatu ziran.  Hitzaldiak, tailerrak, mahai-inguruak, Komiki tailerrak, Parrapean komiki txapelketa, liburu-aurkezpenak, euskal komikien bigarren azoka, erakusketak…  Post bakar batean dena laburbiltzea ez da batere lan erraza.  Horretarako argitaratu da beherago daukazuen bideoa.

Bereziki polita Gregorio Muro Harrietek “Joseph Camino” saria jaso zuen unea. Komikigintzan izandako ibilbide luzea aintzat hartuta, saria jasotzeaz aparte, berari eskainiak izan ziran jardunaldietako hainbat ekitaldi. Bere ibilbide profesionala azalduz  erakusketa bat, Justin Hiriart-en berrargitaratzearen aurkezpena eta bere animazio filmeen emanaldiak.IMG_20151031_121336


Komiki eta gidoigile emankorra izan zen Harriet, 80ko hamarkadan
euskarazko komiki ugari egin zituen, batez ere Habeko Mik-en eta Erein argitaletxean: Justin Hiriart, Sorgin seinalea, Eguzkiaren izerdia eta Simon Besaluze sailak, Ion eta Mirka, Hontza, Hermes, Indianoa… Lan horietako asko hizkuntza anitzetan argitaratu ziren eta nazioarteko sari ugari irabazi zituzten. Animazioan eta zineman ere arituko zen gerora, gidoigile eta zuzendari.

Derrigorrez aipatu behar dugun ekitaldia “Trapuak IMG_20151031_195033Kakoan”, urriaren 31an, Santutxuko Udaltegian Performance baten erara uztartu zituena literatura, komikia eta musika. Zuzenean egin zituzten Mikel Mardonesek eta Asisko Urmenetak euren irudiak. Inun kantariaren musika lagundurik, Lutxo Egiak eraman zuen aurrera ekitaldia Arturo Campion, Gabriel Aresti eta Juan Antonio Moguel soka beretik lotuz.  Balorazioa: Chapeau!! 

IMG_20151031_204043

Trapuak kakoan: Inun, Asisko Urmeneta, Mikel Mardones eta Lutxo Egia

Parrapean jaialdi txikerra baina betea

 

Bilboko Udaleko Kultura Sailak ‘Parrapean-Komiki Egunak’, Euskadin egiten den euskarazko komikiari buruzko jaialdiaren bigarren edizioa antolatu du. Urriaren 31ra arte, Begoñako eta Santutxuko udaltegiek eta Karmelo plazak jarduera egitarau zabala jasoko dute eta guztiak ere doakoak izango dira. Horien artean hitzaldiak, tailer monografikoak, zine proiekzioak, argitaratu diren azken lanen aurkezpenak eta euskarazko komikiaren bigarren azoka egongo dira.

Komikigile zein komiki aditu andana bertatik pasatuko da: Gregorio Muro, Amaia Ballesteros, Dani Fano, Guillermo Gonzalez, Amparo Acarregui, Marika, Mamen Moreau, Isabel Franc, Josune Muñoz, Adur Larrea, Axpi, Francisco Fructuoso, Ioni Artetxe, Igor Leturia, Mikel Mardones, Asisko Urmeneta…

Hona hemen programazioa aurkezteko argitaratu den bideoa

 

 

Umore on, umore gaizto

Donostiako Komikigunea aitzindaria bihurtu zaigu Komikien inguruko dinamikak aurrera eroaten eta larunbat honetarako ekitaldi berri bat iragarri dute. Datorren urteko ekainean egingo den ZAPART! komiki jaialdia iragartzeko asmoarekin Kalejira-karikatura bat burutuko dute. (Hori da, Zapart! 2016ko hiruzangoekainean, zuon ajendetan ondo apuntatu beharreko data).

Donostiako Koldo Mitxelena eta Artzai Ona inguruan, 11:00etan trikitixa dionuei jarraiki, errotalagailuak eskuetan, Antton Olariaga, Asisko Urmeneta, ZaldiEroa, Adur Larrea eta Dani Fano  lanean arituko dira .

12:00etarako segizioa Errege Katolikoen kaleko KOMIKIGUNEra helduko da, eta bertan Dani Fanok zuzendurik mahai inguru bat egingo dute komikigileek umoreari buruz: UMORE ON, UMORE GAIZTO. BINETEN AZIDO SATIRIKOA.

Datorren zapaturarte!

 

 

Rockomikiak binetak & doinuak erakusketa Gasteizen

(Iturria: Oihaneder Euskararen etxea)

“80. eta 90.eko hamarkadan musikaren, hitzen eta irudien bitartez sortutako kultura  erakustera dator Rockomikiak binetak & doinuak. Martxoaren 7tik maiatzaren 3ra bitartean egongo da ikusgai Oihaneder Euskararen Etxeko ur biltegian.

Inaugurazioa martxoaren 7an, larunbata, arratsaldeko 19:00etan izango da. Bertan, besteak beste, erakusketaren irudi nagusiaren egileak logoa margotuko du eta TMEOko lagunek komikia zuzenean egingo dute.

Ekintza artistiko honen ideia nagusia Donostiako Koldo Mitxelena Kulturunean ikusgai egon den Rockomikiak binetak & doinuak erakusketan datza. Ideia horri jarraiki, Gasteizko Oihaneder Euskararen Etxera ekarri  eta zuri-beltzeko fanzineei koloretako komiki-aldizkariak gehitu zaizkio. Ingurukoak konplize egin eta musikaren eta komikien berezko bizileku ziren taberna eta espazioak ekarri dira erakusketara. Elkarlana sustatu da eragile izan zirenekin eta egun horrelakoetan dabiltzanekin. Besteak beste, erakusketak TMEO,  Sancho el Sabio Fundazioa  eta Hala Bedi irratia ditu bidelagun”.

Erakusketari hitzaldiak, tailerrak, bisita-gidatuak eta askotariko ikuskizunak gehitu zaizkio, egitarau oso eta erakargarria eskainiz.  Besteak beste, martxoaren 10ean Asisko Urmeneta Nork hil duexp-rockomikiakbinetaketadoinuak1 Charlie? hitzaldian  komikia eta adierazpen askatasunaren inguruan mintzatuko da.  Martxoaren 25ean Garbiñe Ubeda Eta emakumeak non zeuden? galderari erantzuten saiatuko da eta 27an Bingen Mendizabal eta Mikel Valverdek musika eta marrazkia zuzenean uztartuko dituzte.  Apirilaren 15ean Harkaitz Canok  musika euskal literaturan eta komikigintzan  izango ditu hizketagai. Erakusketaren komisarioak diren Koldo Almandoz eta David Zapirainek martxoaren 18an eskainiko dute  bisita gidatua.

Martxoaren 10etik apirilaren 1era bitartean, ikastetxeei zuzendutako bisita gidatuak ere egingo dira, goizeko ordutegian.

Komikien plazerrak edo ajeak Udako Euskal Unibertsitatean

“Komikiari plazerra kentzen zaio euskaltegietan eta eskoletan lantzen bada” azaldu zuen Asisko Urmenetak, non eta Udako Euskal Unibertsitatean.   Komikerin aurkeztu genuen bezalaKomikigintza eta literaturaren irakaskuntza” izenburupean ikastaro  antolatu zuen UEUk joandako uztailean. Eibarko Markeskoa Jauregitik  Amaia Serrano Mariezkurrena, Asisko Urmeneta, Bego Montorio Uribarren, Dani Fano (hemen BerriariP1030050 eskaini zion elkarrizketa), Iratxe Retolaza Gutierrez, Jon Mantzisidor, Jon Martin Colorado, Josune Muñoz, Maite Gurrutxaga eta Mikel Ayerbe Sudupe pasatu ziran. Asisko Komikia eta Klasikoen arteko harremanaz aritu zen.

Erabat ados gaude Asiskok gorago egin duen hausnarketarekin. Dela eskolan, dela euskaltegian, dela unibertsitatean, komikia edozein ikasmahai gainean asperdura borobilaren sinonimoa izan daiteke.  Dakigunez zenbait eskoletan komikigintza ikasgaia ezarria daukate ere. Baina horrez gainera, izurra izurtuz, komikigintza eta  euskal klasikoak koktel berean sartzeak, asperduraren marka guztiak hauts ditzake… baldin eta koktelaren osagaiak Asisko Urmeneta bezalako primerako kontalari umoretsu eta isekari batek nahasten ez baditu. Kasu hauetan asperdura gozamena bihur daiteke, eskolan, euskaltegian eta baita Udako Euskal Unibertsitate berean ere.

                                                    © Argazkia: Ikastolen Elkartea (www.aisialdia.net)                                                                              Asisko Mauleko udalekuetan    
                                                                                                    
                                                  

Udako Unibertsitatean “Komikigintza eta literaturaren irakaskuntza”

Uda honetarako plan erakargarria Udako Euskal Unibertsitateak eskaintzen duena: Komikigintza eta literaturaren irakaskuntza. Irakasleak ezin hobeak, Asisko Urmeneta, Bego Montorio, Jon Mantzisidor, Jon Martin Colorado, Josune Muñoz, Maitane Gurrutxaga…

Helburuak honela aurkezten dituzte UEUkoek bere atarian:image_large

Ikastaroak literatura-irakasleak, literatura-eragileak edo literaturazaleak komikiaren artera hurbiltzea du helburu nagusi, betiere komikigintzaren eta literaturgintzaren arteko zubi-lana gogoan izanda. Bide horretan, hiru zutabe nagusi izango ditu ikastaroak:

Lehenik, komikiaren inguruko ezagutza orokor zenbait eskainiko dizkigute alorreko adituek (komikiaren narrazio-teknikak, komikiaren bilakaera historikoa…).

Bigarrenik, komikigile eta gidoigileek bere obraren eta jardunaren inguruan hitz egingo digute, ekarpen horiek irakurtzeko eta interpretatzeko informazio gehiago izateko.

Hirugarrenik, komikia lantzeko proposamen didaktiko zenbait aurkeztuko dizkigute literatura-irakasleek.

 Asisko Urmenetak ere, irakasle moduan,  kurtsoan
hartuko du parte 
© Asisko Urmeneta (EKE ataritik)

Asisko Intxaurrondoko solasaldietan

Donostiako Intxaurrondoko Kultur Etxean komiki solasaldiak aurrera segitzen dute. Oraingoan  Asisko Urmenetaren txanda heldu da. Mitxelenak gidatutako solasaldian, bihar, Martxoak 11 Intxaurrondoko Kultur Etxean. 

Nor dugu Asisko Urmeneta? Hona hemen berak bere buruaz dioena:

“Ni eskola-porrota izan naiz betitik: Ikasketak bazterrean utzi, eta marrazkigintzan sartu nintzen buru-belarri: komikiak, afitxeak, liburu ilustratuak… Eta urte batzuen buruan Napartheid kolektiboa osatu genuen geure artean, geure gustuko gauzak egiteko. © Gaztezulo

Ene sortzeko tresna Euskara dut, gainera, plus handi bat dauka, erronka bizia dela beti normaldua ez den ekaiaz lan egitea. Ulertuko ote da ? Sinesgarria al da ?

Argazkia © Gaztezulo
www.gaztezulo.com

Camus pentsalariak erran zuen : Inbaditua den herri batean, bertako hizkuntza erabiltzea, eta ez kolonizatzailearena, erresistentzia ekintza dela. Nik politika egiten dut Euskaraz argitaratuz.

Herri ukatuak badu umorearen, ironiaren eta irudiaren beharra, eta nik, ene apalean, erresistentziari eskeintzen diot ene lana.

20urtean sari bat irabazi nuen Iruñeko udaleko lehiaketan, B.Bergararekin batera, eta gutxira hasi nintzen ene aldetik argitaratzen : Ipurbeltz, Nafarroa Gaur, TMO …

Gartxot filmagatik publikoaren sari nagusia eman digute Sidneyko Zinema Jaialdian, bai eta Nazioarteko Film Hoberenari Frantziako “Les nuits magiques” jaialdian ere. Zergatik sariketa horiek aipatu ? Erakusteko istorio unibertsalak kontatzen ahal ditugula, eta ulertuak izan direla Korsikan, Kuban edo Australian…”

 

Presoen aldeko komiki erakusketa Ondarrura heldu da

Euskal presoen aldeko komiki erakusketa Ondarrura heldu zen atzo. Udal Erakusketa Aretoan ikusgai izango da datorren 24rarte. Honela Ondarroako herriak  aurretik Euskal Herriko beste leku batzuetan izan den erakusketa ibiltariari lekua eskaintzen dio. Antolaketa lanetan Luterl taldea eta Ein Daigun Bidi herri mugimendua ibili dira. Globhito-21a

Erakusketa honetan ondorengo artisten lanak ikusteko aukera izango da:  Zaldieroa, Tasio, Rafa Iglesias, Mikel Orbegozo, Mattin, Martintxo, Lore zaharra, Lope, Kako, Joseba Larretxe, Juan Kalvellido, Jokin Larrea, Iñaki Holgado, Exprai, Dani Fano, Axpi, Asisko Urmeneta, Amaia Ballesteros, Alatz Lopez, Adur Larrea eta Abarrots