Bideoa

Marrazketa Nagusia Bilbon

Bilboko Aste Nagusian suziri eta kantak, dantza, jan eta edanen artean ere izan da marrazketarako tarterik.  27 ostegunean kasurako. Algara txosnan herri bazkari bat izan zen eta bazkalostea Amets Arzallus eta Unai Iturriagaren bertsoek animatu zuten. Dani Fano eta Adur Larrearen esku abilek bertsolarien berba eta ideia nagusiak marra bihurtzen zutelarik.  Aipatzekoa Jabier Lauzirika, Apolok, ekitaldian izan zuen garrantzia. Uztailean zendu zen Apolo, Gabriel Arestiko irakaslea, Zenbat Gara Elkarteko eratzailea, euskal eragile gogotsua.

Ostiralean berriz musika eta marrazketa lotzen zuen bigarren ekitaldi bat ospatu zen La Ribera aretoan. La fiesta del Garabato izena duen jaialdian, DJak musikari eman eta marrazkilariek ondo egiten dakitena egin zuten.. Koldo Serra, Borja Crespo eta Chicks on Kicks DJen batutapean

Kike Infame , Dani Maiz, Iñaket Mh, Oskar Blanco García, Mamen Moreu, Alberto Muriel, Alex Orbe, Pedro Colombo, Jose Carlos Torre Sánchez, Gorka Belasko, Amaia Ballesteros, Roberto González, Borja Crespo eta Koldo Serra bera, ibili ziran.

Advertisements

Komiki kuttunenak Arrasatetik

“Komikiaren kalitatea  ezin da zerrenda batera mugatu” azaltzen du Antonio Altarribak Arrasateko Udal Bibliotekaren bultzadaz argitataratu berri den Komiki Gidaren aurkezpenean.  Komiki Gidaren aurkezpena Arrasateko Jokin © Arrasateko bibliotekaZaitegi aretoan egin zuten pasadan astean Altarriba eta Kim egileek . Arrazoia dauka Antoniok, horregatik berak koordinatu duen liburuxka honetara,  adin eta era askotako aditu gonbidatu ditu. Hamar guztira, bakoitzak bere hamar komiki kuttunenak aukera ditzan. Horrela, zerrenda mugatu bat baino, emaitza 100 titulu inguruko proposamen ireki eta zabala dugu, hori baita Komiki Gida.komikigida

Entsegu interesgarri honetara hurbildu diren gonbidatuak hauek izan dira : Borja CrespoJ.M. Díaz de Guereñu, Mauro Entrialgo, Igor Leturia, Lola Lorente, Joaquín Reyes, Laura Pérez-Vernetti, Fernando Tarancón, Zaldieroa eta Alfonso Zapico. Aukeratutakoen tbo rankingean zerrenda-buru Maus bezalako “klasikoak” ditugu, horren ezagunak ez diren beste titulu batzuen parean (Maakies adibidez…). Komiki berri eta komiki zahar… denetarik.  Zaharren artean adibidez, aurrez-aurre, urte berean (1929an) sortutako bi pertsonai, Tintin, kazetari txukuna, politikoki zuzena (edo geroago  ikusi den bezala ez horren zuzena)… eta Mauro Entrialgok aukeratu

popeye02lotoazuleta ederto definitu duen Popeye,  bere familia traketsarekin. Horra hor XX. mende hasieratik datozen komiki tradizio antagoniko bi: Tintinismoa versus Popeyismoa. Irudi garbiaren joera versus marrazki “itsusiaren” eredua.

Euskarazko lanei dagokienez… gehiegirik ezin dugu esan, ia agertzen ez direlako, egia esan,  alde batetik ezaguna dugulako euskal komikigintzaren ahulezia, bai, baina baita aukeratutako aditu gehienek xabinaitorgaztelerazko komiki merkatua dutelako erreferente nagusitzat. Salbuespenak salbuespen hor ditugu Gartxot edo Pololoak bere ondo merezitako lekua  betetzen.

(Hutsunearen aitzakia erabilita, Komikeritik, eta inork eskatu barik, zerrendetako goikoolariaga2 postuetarako euskal titulu bat proposatzeko ausardia izango dugu… hemen doa: Ereinek 1985. urtean argitaratu zuen Antton Olariagaren “Hamaseigarrenean aidanez”, gaur horren modan dagoen Eleberri Grafikoaren euskal aurrekari bikaina).

Komikigintzaren ikuspegi orokorrago baten alde  Komiki Gida pauso polita da, aurretik euskal liburutegietatik egindako beste lan batzuekin osatu daitekeena (adibidez Donostiako liburutegiek 10komik argitaratu zuten 2011 urtean edo Arrasatetik ere  iaz osatu zutena: “Komikia eta Zinema”). Beraz, artikulua bukatu behar dugu, derrigorrez, euskal liburutegietara begira. Arrasateko biblioteka aldera, komikizaletasuna hedatzeko egiten duten lana goraipatu eta eskertzeko.  Eskerrik asko zuei!