baina 40 urte eta gero…. zakilixut xutik!

 

Euskal komikigintzak gaur badu  zer ospatu. Zakilixut Egin egunkariarekin batera jaio zen orain 40 urte eta denbora gutxian oso ezaguna bilakatu zen euskal irakurleen artean. Egin egunkarian aritu ostean, Euskaldunon Egunkarian marrazteari ekin zion Olariagak, eta 2003an hau indarrez itxi ostean, Berriara egin zuen salto. Berriako kontrazalean, leku pribilegiatuan, segitzen du gaur ere Zakilixut osasun ezin hobean.

Gure komikeriko komikizulo atalean,  orain dela 5 urte, idatzi eta ospatu genuen Zakilixuten 35. urteurrena. Baina gaurko ospakizuna askoz borobilagoa dugu.

Zorionak zure urtebetetzean
Zorionak, ta urte askotarako
Zorionak belarritik tiratzean
Zorionak ta musu bat zuretzako.

Tumatxa hi!

 

 

Advertisements

Zakilixutek 35 urte

Egunotan horren ondo ezagutzen dugun pertsonaiak bere 35. urtemuga ospatzen du. Bai, Zakilixut, Egin egunkariko orrialdeetan  1977ko irailean jaio zenak, gaur 35 urte beranduago bere martxan darrai egunero egunero Berriako kontrazalean. Politika, zein eguneroko kontuak, sexua eta hitz joku zorrotzak konbinatuz joan da bere ibilbidea egiten. Urteen joanean bai fisikoki, bai izaeraz aldatuz joan zaigu. Okotza luzatu zitzaion, porroak alde batera utzi zituen eta zuribeltzetik koloreetara pasatu zen.

 

Beraz Komikeritik zure urtebetetzean… Zorionak Zakilixut!