Komikigintzari buruzko Wikilantegia

Komikizaleek Wikipedian editatzen ikasteko tailerra antolatu dute Intxaurrondoko Kultur Etxean. “Wikilantegi” honen gidariak Igor Leturia, Iñaki Otamendi eta Aitzol Astigarraga izango dira.

Lekua eta ordua: Martxoaren 26ean, Donostiako Intxaurrondo Kultur Etxean, 18:30etatik aurrera .

Honela azaltzen dute bileraren asmoa:

Saio honen helburua euskarazko Wikipedia komikigintzari dagokionez osatzeko lanak martxan jartzea da. Denon artean Euskarazko Wikipediako komikigintzaren hutsune nabarmenenak identifikatuko ditugu eta behar duenak Wikipedia editatzen ikasteko aukera ere izango du.

“Parte hartzeko ez da komikigintzan aditua izan beharrik, Wikilantegian parte hartzen duten komikizale guztien ekarpenenekin Wikipedia hobetzen joatea baita asmoa. Eta Wikipedia editatzeko ohitura ez dutenei laguntza eskainiko zaie. Hasiberrien, noizean behin eta maiz aritzen direnen artean, Wikipediako atal hauek identifikatu eta landu nahi ditugu:

• Komikiarekin lotutako euskal egile, obra, aldizkari… historikoei buruzko artikuluak.

• Gaur egungo komikilari, komiki, argitaletxe… eta gainontzeko gaiei buruzko artikuluak.

• Mundu mailako komikigintzan erreferentzia diren egile eta obrei buruzko artikuluak.

Saioa doakoa eta irekia izango da, baina komeni da izena ematea, toki-aurreikuspenak egiteko. Intxaurrondo liburutegian edota 943 48 34 02 telefonora

Advertisements

Komikipedia zabalik

Komikipedia, euskal komikien datutegi berria zabalik daukagu dagoeneko. Asmoaren bultzatzaile nagusia Iñaki Otamendi Andoaingo komikizalea dugu. MediaWiki softwarea ezagunaren bitartez, pixkanaka, euskaraz argitaratu ziren komikiak, eta baita momentuan argitaratzen direnak,  bildu eta fitxak osatu nahi ditu. Egileen fitxak ere bai. Frantziako Bedetheque edo  Lambiek Comiclopedia  herbeheretar  ospetsuen ereduak jarraituz euskal komikigintzaren inguruko datuen kontsultarako atari espezializatu berri bat izan nahi du Komikipedia. Erronka ez da makala! Badugu beraz gure KomikipediaKomikeritik ongi etorririk beroena!

2017ko uztaren azken zenbaketa: 30

Gure azken zenbaketaren arabera, hona hemen aurten kaleratutako komiki guztien zerrenda. Gure kontaketaren arabera, eta nobedade berririk ez dagoen bitartean, honela uzten dugu. 30 komiki argitaratu dira behingoz (eskerrik asko Igor Leturiari azken orduan emandako informazio berriagatik).

Bestalde,  euskal komikigintzaren martxan aztertu nahi duen ekimen berri bat martxan jarri dela jakinarazten  dizuegu:  komikipedia. Hemen doa ekimenaren atzean dagoen Iñaki Otamendiri gure agurrik beroena.

  1. Eusklabo alaiak / Asisko / Gureberriak, 978-84-697-6359-9
  2. Zulo bat oroimenean / marrazkia, Pascal Regnauld ; gidoia, Roger Seiter ; [itzulpena, Miel A. Elustondo] / Harriet Ediciones, 978-84-947646-0-8
  3. Santa familia / Eider Rodriguez ; Julen Ribas / Euskal Herriko Ikastolak, 978-84-946072-6-4
  4. Sorgin seinalea / gidoia, Gregorio Muro Harriet ; marrazkia eta kolorea, Daniel Redondo/ Harriet Ediciones, 978-84-946519-7-7
  5. Waluk / Ana Miralles, Emilio Ruiz ; [Bego Montorio, itzulpena]/ Astiberri, 978-84-16880-38-6
  6. Tipi-tapa / Susanna Martínen komikia Desazkunde eta Bizitze Ona Sarearentzat / Mugarik Gabe
  7. Wounded / gidoia, Damien Marie ; marrazkiak eta kolorea, Loïc Malnati ; [itzulpena, Joanes Urkixo Beitia] / Harriet Ediciones, 978-84-946519-4-6
  8. Asterix eta pertza / testua, René Goscinny ; marrazkiak, Albert Uderzo ; [itzulpena, Maddalen Arzallus (Bakun itzulpenak)] / Salvat, 978-84-696-2109-7
  9. Inozoen errua / gidoia, Laurent Galandon ; marrazkiak eta kolorea, Anlor ; [itzulpena, Joanes Urkixo Beitia ; moldaketa grafikoa, Gregorio Muro] /Harriet Ediciones 978-84-946519-6-0
  10. Hegoak astinduz / gidoia, Laurent Galandon ; marrazkia eta kolorea, Arno Monin / Harriet Ediciones, 978-84-946591-2-2
  11. Asterix Italian / textua, Jean-Yves Ferri ; marrazkiak, Didier Conrad ; kolorea, Thierry Mébark ; [itzulpena, Maddalen Arzallus] / Salvat, 978-84-696-2040-3
  12. Neska hura hegan hasi zen eguna / gidoia, Beka ; marrazkiak, Marko ; margoak, Maëla Cosson ; [itzulpena, Miel A. Elustondo] / Harriet Ediciones, 978-84-947646-1-5
  13. Autobusa berriro bera gabe abiatu zen egunekoa / gidoia, Beka ; marrazkiak, Marko ; margoak, Maëla Cosson ; [itzulpena, Joanes Urkixo Beitia]
  14. Darwin : teoriaren eboluzioa / Jordi Bayarri ; itzulpena, Maialen Berasategi /Ikaselkar, 978-84-16752-93-5
  15. Irribarrez : Uretako bilduma : #GaurkoTira 2016/2017 ikasturtea /[marrazkiak eta testuak, Eñaut Aiartzaguena / Eñaut Aiartzaguena
  16. Itzulera / Duhamel [itzulpena, Miel A. Elustondo] / Harriet Ediciones, 978-84-947646-4-6
  17. Isidoro Fagoaga: bada tenorea / testua, Jon Abril; marrazkiak Joseba Larratxe “Josevisky” / Berako Udala
  18. Arditutakoak / testua, Mikel Begoña; marrazkiak Adur Larrea / Bertsolari aldizkaria
  19. De Rerum Natura 7 / Zaldieroa / Elkar
  20. Jaizkibel konpainia. 20 urte / Iñigo Goikoetxea
  21. Txomin, Txirulo eta Latxa /  Jon Mikel Udakiola / Txipibooks, 978-1974688449
  22. Alaia, euskalduna eta musulmana / Pernan Goñi / Zas! Zurrumurruen aurkako sarea
  23. Lami, bidaiaren hasiera / Mikel Antero / Gaztezulo
  24. Antxintxiketan: Lasterketa demokratikoa #2 / Ian Nose / Ahabi comics (CreateSpacen eskaripean inprimatua)
  25. Non legimus: hitzen gerra / Gabriel Alejandro ; Ian Nose / Ahabi comics (CreateSpacen eskaripean inprimatua))
  26. Zonbat diru hainbat miru / Pxix ; Ttipilo / ZTK 979-10-93099-22-4
  27. Ondo maite nazazu : tratu txarreko istorio bat / Rosalind B. Penfold / Astiberri ; Bizkaia Foru Aldundia, 978-84-16880-43-0
  28. Fast brains: adimen sortzailea eta nerabeak / Mikel Arbiza ; Joseba Larratxe
  29. Kemena / Garazi Albizua / Denonartean,  978-84-16791-53-8
  30. Homo: Suak guztia aldatu zuenean / Daniel Piqueras Fisk / Narval, 978-84-946784-3-1