«Zer jantziko dut mundua salbatzeko?»

Getariko Cristobal Balenziagan Museoa  ezagutzeko aitzaki on baten bila bazabiltzate ostiral honetan baduzue bat, ezin hobea gainera. Jakina, edo moden kontuak edo komikiak izan behar dituzue gustuko, ze Joseba Larraetxe Josevinskyk gai biak lotuko ditu modu original batean. Super-heroien janzkera abiapuntu hartuko du Josevinskyk.  

Super heroi batek bere buruari «Zer jantziko dut mundua salbatzeko?»galdetzen dionean erantzun azkarra «likra pegatu eta koloretsua» da. Klixe honen ildotik Joseviskyk komikigintzaren hastapenera eramango gaitu, 1930eko hamarkadara. , hitzaldiaren helburua topikoak haustea izango da.

Beraz gogoratu:

18’15 – 18’45 «Zer jantziko dut mundua salbatzeko?» Joseba LARRATXE,
«Josevisky» (hitzaldia euskaraz izango da).

Informazio gehiago:

2012 Cristóbal Balenciaga Museoa | Aldamar Parkea, 6 20808 Getaria Tel.+34 943 00 88 40  

Advertisements

Kakalardoak sarean

Aurreko postarekin lotuta hona hemen “Josevinsky”ren lana ikusgai kklrd izeneko web orrian: http://www.kklrd.com/.  Ederra musika, Julen Baleztenarena. Web diseinua ere dotore eta berriztatzailea, Julen Irazoki eta Josu Igoaren eskutik. Eta edukietara joz, webgunearen alde bietan, era oso dinamikoan aurkezturik komiki istorio bi. Lehenengoa Josevisky berak eta Lazaro Yak Boldok sinatzen dute: KKLD (hau da Kakalardo laburbilduta). Bigarrena Izan et Ukan 10 orrialdeko istorioa, Joseviskyk eta Koldo Yarbolazak sinatua. 

Paperean argitaratzeko dauden zailtasunak ikusita, agian arte adar ezberdinen arteko eta teknologia berrien uztarketak beste aukera batzuk zabaldu ditzake euskarazko komikigintzari. Hala bedi!