Tupust! Donostian sortutako Euskal Herriko komikigileen kolektibo feminista da. Haien lanak euskaraz sortzeko asmoa dute eta kolektiboaren lehen emaitza Txalaparta argitaletxearen laguntzarekin kaleratu duten Ni izeneko liburua da. 20 egile parte hartu dute komiki horretan: Irati Eguren, Paula Estévez, Arrate Rodriguez, Maite Caballero, Danele Sarriugarte & Josevisky Larratxe, Maite Gurrutxaga & Irati Jimenez, Irati F.G. & Regina Salcedo, Nerea Unanua & Amaia Lekunberri, Txakur Gorria, Loinaz Lekuona, Maitane Gartziandia, Ainara Azpiazu Axpi, Eider Eibar & Miren Amuriza, Leire Urbeltz & Hedoi Etxarte.
Komikiaren aurkezpena Donostiako Komikigunean izango da martxoak 25ean eta leku berean komikiaren erakusketa zabalik izango da 29ra arte.
Amaitu ziran ‘Parrapean-Komiki Egunak’. Euskal Komikigintzan espezializatu den jaialdi honen hirugarren edizioa pasadan urriaren azken astean burutu zen Begoñako eta Santutxuko hainbat lekutan. Erakusketak, omenaldiak, liburu aurkezpenak eta zuzeneko emanaldiak ez ziran falta.
Komiki egunen Laburpen modura ondorengo bideoa argitaratu da
Ardatz bi izan ditu aurtengo Parrapean jaialdiak. Bat Antton Olariaga.Ilustratzaile handia Bilbon omendua izan da. Bere komikigintzan egin duen ibilbidea errepasatzen duen Marra eta Hitzaerakusketaren antolatu zen Begoñako liburutegia. Aurtengo Joseph Caminosaria berak jaso du ere.
Bigarren ardatza, Kataluniako komikigintza izan zen. Mahai-inguru bat antolatu zen urriaren 28an Santutxuko Udaltegian. Merçe Canela, Cavall Forteko zuzendaria eta Cristina Losantos eta Oriol Garcia komikigileak, elkarrizketa luzeanaritu ziran Xabiroiko zuzendaria den Dani Fanorekin. Ekitaldia zuzentzen Igor Leturia komiki aditua primeran ibili zen. Ideia eta esperientzia truke emankorra izan zen duda barik.
Bilboko Casal Bilbaoko lagunek, arratsaldea girotu zuten Karmelo plazan egindako Castanyadarekin.
Euskal komiki aurkezpenak ere izan ziran: Harkaitz Canoeta Iñaki Holgadok “Museo bilduma”.Gregorio Muro“Harriet”ek eta Daniel Redondok “Ion eta Mirka” , 80. hamarkadan kaleratutako komikiaren berrargitarapena, orain Harriet edicionesen eskutik kaleratu da. Ion Iñaki Artetxe izan zen liburu honen aurkezle bikaina, eta baita geroago aurkeztu zen liburuarena ere, S.O.S Lusitaniarena. Kasu honetan, Parrapean jaialdira Patrice Ordas,komikiaren gidoigilea, bretainiatik heldu zen zuzenean Santutxura komikia aurkeztera.
‘Wanne – Eickel Martutene’izeneko erakusketak Marlene Krauseeta IrkusZeberioren lanak Bilbora ekarri zituen. Erakusketa Begoñako liburutegian emandako tailerrarekin osatu zuten: ‘Danbalahara! Euskal onomatopeiekin lanean’ . Bidebarrietako liburutegian “Komikiak gerra zibilean”erakusketa antolatu zen.
Urtez-urte indar gehiago hartzen duen euskal komiki merkatua ere Karmelo plazan izan zen.
Komiki Egunak La Nube pubean bukatu ziren. Bertan 4 komikigile aurrez aurre jarri ziren marrazketa dema interesgarrian. Axpi, Josevisky, Oriol Garcia eta Sussana Garcia.
Zuzeneko ekitaldiaren ostean, publikoa gehiagoren zai geratu zen. Baina hori, behar bada, datorren urtean izango da, Parrapean komiki egunen IV edizioan.
Josevisky (Joseba Larratxe Berazadi) Gaztezulo aldizkarian hilabetero eta 2015 urtean zehar, leku bat izango du bere istorio bitxi-psikodelikoak argitaratzeko. Sailaren lehen alea Aingurak – edo Zer hartu Ontzitik Itsasoa Harri Bihurtzen Bada, izenburupean agertu da.
Komikia: mugimendu ikusezina, Komikiaren hizkuntza ezagutu, ulertu eta menperatzeko ikastaroa eskainiko digu Joseba Larratxe Berazadik, Joseviskyk, Tolosako liburutegian.
“Komikia boladan datorren espresio modu artistikoa dela jakina da, baina zergatik? Non egon da ezkutatuta orain arte? Zeintzuk dira bere narrazio tresnak eta nola eraikitzen da komiki bat? Galdera guzti hauen erantzunak jorratuko ditugu modu teoriko zein praktikoan KOMIKIA: MUGIMENDU IKUSEZINA ikastaroan”.
Urriaren 6an hasita 2 hilabetez, astelehenero 18:00etatik 20:00etara, TOLOSAKO LIBURUTEGIAN. Matrikula 20€. Izena emateko: gazteria@tolosakoudala.net
Gaur hasi eta domekararte FICOMIC, Bartzelonako Komiki Azokak, ateak zabalik izango ditu. Aurton 31. edizioa ospatzen da. Urtero bezala bertatik pasatuko dira nazioarteko hainbat egile kaleratu dituzten lan berriak erakusteko asmotan: autoreak non, eta sinatzeko ordutegiak hemen dituzue.
Ba Komiki Azokarekin data eta baita gaia partekatuz (westernak), hiru euskal artista Bartzelonako Euskal Etxean erakusketa zabaldu dute datorren 27rarte: Crossfire. Hiru “gaizkileen” izenak hemen doaz: Josevisky, Irati F.G. eta Xabier Sagasta dira.
Baina ez da hor amaitzen gaur, hilak 11a, gabeko 20.00etan, euskal etxean aurrez-aurre jarriz, egile bakoitzak lehendik egindako komiki bat aurkeztuko du eta beste marrazkilariek lan horren ikuspuntu berri bat proposatuko dute errukigabeko duelu batetan.
Beraz, Bartzelona aldean bazabiltza, komikiak eta westernak gustukuak badituzu ez galdu gaurko desafioa.
Aurreko batean Josevisky-ren (Joseba Larratxe) lan interesgarria aipatu genizuen Komikerin. Gaurkoan, lan haren jarraipenaren berri dakartzuegu. Hainbat musikari etaJosevisky-ren arteko lankidetzak binilozko EP-komiki bat ekarri digu argitara. Musika eta komikia ondo uztartuz edizio berezi baten itzura hartzen du KKLD izena daraman produktuak. Bonberenea Ekintzak diskoetxeak argitaratua.
Joseba Larratxe‘Josevisky’ 26 urteko beratarrak Interneten paratu du lau orrialdeko Kakalardo komikia. Arte adierazpide desberdinak uztartzen dituen proiektuaren abiapuntua da, “azal moduko bat”, egilearen hitzetan. Sexty Sexers taldeko Joseba Baleztenak, adibidez, Kakalardoren soinu-banda egin du.
