Euskal komikia modan dago

Hilabete bat falta da urtea bukatzeko eta euskal komikigintzak goia jo du berriro.  Komikiak koska bat gorago egin du alde askotatik.  Komikiaren gaineko liburu teorikoak, erakusketak, jaialdiak, ekitaldiak … urte emankorra benetan.

Komiki jaialdiak

Urtero legez euskal komikigintza ardatza duten Parrapean komiki egunak urriko hirugarren astean ospatu dira. Aurten nazioarteko gonbidatuak Portugaletik heldu dira eta horrez gain euskal komiki ekoizpenaren parte handia bertan aurkeztua izan zen.

Bestalde, azaroaren lehenengo asteburuan Getxoko komiki azoka ospatu zen, eta bertan euskal egileen presentzia inoiz baino nabarmenagoa izan zen. Harriet Ediciones eta Xabiroiren standak sinaketarako  ondo apainduriko mahai luze baten bitartez loturik egon ziren eta elkarren ondoan, parez-pare, euskal autore talde zabala lanean ibili zen, gaurko euskal komikigintzaren panoramika bizi bat eskainiz. Esan behar dugu, gaurkoz, Getxokoa gure komiki azoketan errefe

rente nagusiena dela eta  euskal egileen eta  komikien presentzia bertan bermatua izatea gauza inportantea dela. Beraz, komiki azokako antolatzaileentzat, eta baita Xabiroi eta Harrietek antolaketa eta elkarlanerako erakutsi zuten gaitasunagatik, gure zorionik beroena.

Euskal Komikia 1975-2017

Irailaren 14tik urriaren 28ra bitarte Bilboko Bizkaiko Foru Liburutegian ‘Euskal Komikia 1975-2017’ erakusketa izan zen  ikusgai. Erakusketa honen bidez Euskal Herrian komikiaren munduan izandako mugimendu nagusien bilakaera azaldu zen,  aldizkarien boom-etik fanzineak agertu ziren arte, autore-komikietatik atzerriko merkatuen konkistara.

Zakilixutek 40 urte

Irailaren 29an, 40 urte bete zituen

Antton Olariagak sortutako Zakilixut pertsonaiak. Egin egunkariarekin batera jaioa zen euskal komikiaren erreferentziazko pertsonaia hori, eta euskarazko egunkariarekin hazi eta heldu zen, Euskaldunon Egunkaria-n lehenik, eta Berrian ondoren. Berriak ekitaldi bat antolatu zuen Euskal Herriko hainbat artistarekin, Zakilixuti behar duen lekua emateko eta Anttoni ondo merezitako omenaldia egiteko. Asisko Urmeneta, Kike Amonarriz, Ainara Azpiazu, Eider Eibar, Iñaki Martiarena, Idoia Torregarai, Anjel Lertxundi eta beste hainbat urriaren 18an bildu ziran, Martin Ugalde kultur parkean.

Komikilabea eta  Euskal Komikia Donostian ibilbidea

Bigarren urtez, Komikilabea antolatuko zen Donostian azaroaren 8tik 13ra bitartean. Hiriko hainbat eragilek bultzatua (Donostia Kultura, Gipuzkoako Foru Aldundia eta Tabakalera), komikigintzaren inguruko ekintza ugariz bete ziren kale eta aretoak. Progamazioaren barruan Euskal Komikia Donostian ibilbidearen aurkezpena izan zen. Donostia euskaraz sortutako komikiaren hiriburu dela erakusteko xedez, ibilbide bat sortu da hirian zehar, euskal komikiarekin zerikusia duten kaleetan zehar. Donostian izan zuten egoitza, besteak beste, Txistu, Poxpolin, Pan-Pin, Habeko Mik, Ipurbeltz, Xabiroi bezalako aldizkariek.

 

 

© Komikilabea

Aurtengo komiki uzta

Aurreko urteen abiadura mantentzen du. Argitaratutako komiki kopuruari dagokionez, Harriet Ediciones lokomotorak bultzatutzen du euskal argitalpenen trena erritmo bizian. Harrietez gain, Astiberri eta Xabiroi ez dira falta aurtengo zitara. Sorkunde, Teodoro eta Noraren arteko famili harremanak kontatzen dira Santa Familia xabiroitarren  albumean. Bertsolari Elkarteak ere jarri du beste aletxo bat aurtengo otartean, Arditutakoak, fart westeko euskal artzainek burutzen duten road movie ero bat eta Gureberriak komunikabideak, eta baita argitaletxea, aurten estreinatu da Asiskoren lan luze berriarekin, Eusklabo Alaiak…  

Irakurle, orain hamar urte ia euskal komiki argitalpenik ez zegoela beti kexuka ari bazinen, ez duzu gaur egun aitzakirik. Zorionez komikiak ugaritu dira argitalpenen horizontean. Hitz egingo dugu honetaz aurrerago…

 

 

 

Advertisements

Daniel Redondo omenduko du Parrapean Komiki jaialdiak

“Tintazko itsasoan… branka haizeari!”. Daniel Redondo komikigilearen inguruko erakusketa antolatu dute urtero ospatzen den  Parrapean Komiki Egunen edizioaren baitan. Euskal marrazkilari historiko honen ibilbide luzea azaltzen duen erakusketa, Begoñako Liburutegian izango da ikusgai urriko 16tik aurrera.

Horrez gainera, aurtengo Joseph Camino saria ere Danielek jasoko du. Ekitaldia Santutxuko Karmelo plazan urriaren 21ean ospatuko da, goizeko 12:15etan. Joseph Camino Saria aurretik euskal komikigintzaren aitzindari handiak izan diren pertsonaiak eraman dute.  Joseph Camino berak, Harrietek eta Antton Olariagak… aurten Daniel Redondoren txanda da.

Daniel Redondo Perez komikilaria Bilbon jaio zen 1940 urtean, baina txikia zelarik Hondarribian finkatu zen bere familiarekin. Umetatik komikietarako zaletasun handia erakutsi zuen eta Manuel Gagoren “Guerrero del antifaz”en aleak irentsi zituen. Hala ere, bere erreferentzia artistiko nagusia, Prince Valiant seriea eta pertsonaiaren sortzailea den Hal Foster aipatzen du beti. Bere kontura ikasi zuen marrazten Danielek, Emilio Freixasen liburuxkak erabiliz. Hamabost urte igaro zituen Porcelanas Bidasoan, portzelana dekoratzen 1972 urtean Bartzelonara joan eta bere gaztetako ametsa burutzea erabaki zuen arte.

 

Brugueran

Urte horretan Bartzelonan Bruguera argitaletxerako lanean hasi zen. Pulgarcito eta Din-dan Bruguerako aldizkarietarako pertsonai berri batzuk marraztu zituen: Valeriano Biela eta El profesor Rodrigo del Grifo.

Bruguerak 700 edo 800 pezeta eskasak ordaintzen zituen orrialde bakoitzeko eta marrazkien eskubide guztiak bereganatzen zituzten, euren kasa erabiltzeko. Egileek ezer jakin eta ezer kobratu gabe, beste aldizkari batzuetara saltzen ziran ere euren lanak sarri. “Nahi zutena egiten zuten” adierazi zuen behin Redondok Habeko Mik aldizkarikoei. Bi urtez Brugueran lanean egin eta Sanchis marrazkilariaren lagun mina bihurtu zen, haren aholkua jarraitu zuen, makina ez bihurtu eta egindako lanarekin gozatzeko.

 

Berriro Euskal Herrira 

Bartzelonan bi urte igarota Donostiara ezkondu zen. Euskal Herrian Frankoren heriotzaren ondoren komikigintzarako aukera berriak zabalduko dira. Ipurbeltz aldizkaria Ereinen bultzadaz sortuko da 1977 urtean. Aldizkari honetarako lanean, Gregorio Muro “Harriet” ezagutu zuen. Kolaborazio emankor eta luze baten hasiera baino ez da izango. Sortzekotan zegoen Habeko Mik aldizkariari eskainiko diote euren lana. Daniel Redondok gidoiak aurretik egin bazituen eta baita Harrietek marrazkiak, baina ondo ulertzen du bakoitzak zein den hobeen burutzen dakiten lana eta horrela, Redondo marrazkietan eta Harriet gidoigintzan, osatuko dute profesional bidea hartu zuen bikote artistikoa.

Sorgin seinalea

Habeko Mik aldizkarirako Sorgin seinalea sortuko dute. Azken hau, “La marque de la Sorcière” izenpean Dargauden eskutik best sellerra bihurtuko da Frantzian.  Komiki-sailaren bost aleak XVII. mendean daude girotuak. Elbira Goitiaren  benetako kasuan oinarrituta dago istorioa,  sorginkeri-salaketa faltsu baten ondorioz Inkisizioaren ziegetan erori zen emakukumearen kasuan. Euskaraz eta frantsesez gain gasteleraz, nederlanderaz, danieraz, suedieraz argitaratu zen ere.

Zientzia Fikzioaren alorrean Ion eta Mirka sortu zuten. Ion umezurtza eta Mirka estralurtarraren arteko harremanak kontatzen dituen seriea.

Euskaraz Ereinek argitaratu zuen 1983 urtean, Gazteleraz Ttarttalok 1984ean, eta urte berean, atalka, Pequeño País, El País egunkariko gehigarrian agertu zen. Bestalde Frantzirako eskubideak zuzenean saldu zituzten ere, La Litote etxeak 1986. urtean argitaratu zuelarik lehenengoz eta Alpen Publishers-ek bigarrenez 1990an. Seriearen bigarren emanaldia Habeko Miken argitaratu zen.

Les Humanoïdes Associés argitaletxeak eduki erotikoen ildotik komiki serie bat kaleratzea otu zitzaion 1991, Fripons.  Ospe handiko kolaboratzaileen artean Daniel Redondo eta Harriet ibili ziran, Été fripons izeneko alean.

1990 urtean, Ikusager Gasteizko argitaletxearen enkarguz Eusko Legebiltzarra albuma marraztu zuen. Lana Redondok hasi bai, baina arazo familiarrak tarte, Luis Martorell egileak bukatu behar izan zuen. Maite Ruiz de Aostrik egin zuen gidoia. 20.000 ale argitaratu ziren, Eusko Legebiltzarrean dohainik banatu zirenak.

La Jeunesse de Barbe-Rouge

90 hamarkadan krisi orokorra eman zen komikiaren sektorean, eta horrek autore askoren uztea ekarri zuen. Euskal egileen artean, Daniel Redondo  aktibo jarraitu zuen bakarrenetariko bat izan zen. 1990 urtean Dargaud argitaletxeak Jean-Michel Charlier eta Victor Hubinon sortutako Barbe-Rouge piratan oinarritutako prekuela bat egitea enkargatu zioten Redondori eta Christian Perrissin gidoigile gazteari.

La Jeunesse de Barbe-Rouge seriearen bost aleak 1996 eta 2001 bitarte argitaratuko dira Frantzian, Herbehereak edo Alemania bezalako herrialde ezberdinetan. Jean frantziar ofizial gaztearen eboluzioa kontatzen dute liburuetan Barbe-Rouge beldurgarria bihurtu zen arte, Karibeko Deabrua.

Nazioarteko ibilbidea atzean utziz, 2000 urtetik aurrera Saure etxearen enkarguz beste album batzuk burutuko ditu: Aritz: Nayarit-eko altxorra eta Knossos-eko ondarea  Pello Gutierrez gidoilariarekin. Gandhi, bizitzaren maisua

Jon Fernandez de Larrea historialarekin batera , Hondarribiko historiako pertsonalitate eta gertaera nabarmenenak azaltzen zituen 20 orriko komikia osatu zuen 2003an.

 

 

 

Parrapean IV. komiki lehiaketa martxan

“Parrapean komiki egunak” topaketen baitan, Bilboko Udaleko Kultura Sailak Parrapean IV. Komiki Lehiaketa deitu du. Lehiaketaren oinarriak hauexek izango dira:

  1. Parte-hartzaileak

14-17 urte bitarteko guztiek parte har dezakete lehiaketan, bai bakarka baita taldeka ere.

  1. Kategoria:

Kategoria bakarra izango da: euskarazko komikia edo testurik gabeko komikia.

  1. Gaia eta formatua:

Gaia librea da, baina protagonistak pertsonaia originalak izan behar dira, baita istorioa ere. Pertsonaiak eta istorioa, biak, sortze-lan propioak eta argitaratu gabeak izan behar dira.

Obraren teknika librea da.

Kolorez edo zuri-beltzean aurkez daitezke lanak.

Lanak derrigorrez 2 orrialdekoak izan behar dira, A4 tamainakoak eta formatu bertikaldunak. Posible bada, paperean ez ezik, lanak formatu digitalean ere aurkeztu behar dira.

  1. Hizkuntza:

Lanak euskaraz aurkeztu behar dira edo testurik gabeko komikia ere izan daiteke.

  1. Aurkezteko era:

Lanetan ezin da egilearen izena agertu. Titulua edo goiburua erabili behar da obra aurkezteko, eta gutun-azal batean entregatuko da eta ez da jarriko ez sinadurarik, ez izenik.

Gutun-azal horren barruan beste txikiago bat sartu behar da, titulu edo izen bera erabilita. Gutun-azal txikiaren barruan dokumentazio hau aurkeztu behar da:

  • Honako datu hauek azaltzen dituen agiria: egilearen izen-abizenak, harremanetarako telefono-zenbakia, ikastetxea, jaioteguna, helbidea eta helbide elektronikoa.
  • NANaren fotokopia (edo jatorrizko nazioko antzeko agiriarena)
  • Egilearen idazkia, idazlana orijinala, argitaratu bakoa eta beste lehiaketaren batean saritu gabea dela ziurtatzeko.

Taldean egindako lanetan, taldeko kide guztiek  aurkeztu behar dute dokumentazio hori.

  1. Lanak aurkezteko lekua eta eguna:

Lanak eskuan entregatu ahal dira, edo postaz bidali, helbide honetan:

Begoñako Udaltegiko Liburutegia

Circo Amateur Club Deportivo k. 2

48004 Bilbo

Ordutegia: astelehenetik barikura, 09:00- 20:30 (astelehen

goizez itxita dago) eta zapatuetan, 10:00-14:00.

parrapean_2017_cartel_baja-001

Obrak aurkezteko epea 2017ko irailaren 18tik urriaren 6ra bitartekoa (data-tarte horretan Correos-eko zigilu-marka duten lanak onartuko dira).

  1. Sariak:

Hiru sari hauek banatuko dira (nahiz taldeka, nahiz norbanaka izan):

Lehen saria:

Intuos Pen Tablet, Xabiroi aldizkariaren album bat eta

lau ale, marrazteko materiala Goyaren liburu eta paper-dendaren eskutik, komikia BERTON aldizkarian argitaratzea eta diploma.

Bigarren saria:

Xabiroi aldizkariaren album bat eta lau ale, komiki sorta, marrazteko materiala Goyaren liburu eta paper-dendaren eskutik eta diploma.

Hirugarren saria:

Xabiroi aldizkariaren album bat eta lau ale, marrazteko materiala Goyaren liburu eta paper-dendaren eskutik eta diploma.

  1. Sari-banaketa

Sari-banaketa urriaren 21ean, zapatuan, 12:00etan, izango da “Parrapean komiki egunak” topaketen baitan, Karmelo Plazan.

Irabazleek sariak banatzeko ekitaldian egon beharko dute, edo bestela haien ordez norbaitek jasoko du.

  1. Lanen jabetza:

Irabazleek zein aukeratutako guztiek lanak argitaratzeko eta zabaltzeko eskubidea emango diote Bilboko Udaleko Kultura Sailari, emandako sariaz gain, ezer ordaindu barik.

Kultura Sailak eskubide hori erabili ahal izango du honetarako:

  • Baimena emango dio Berton aldizkariari irabazlearen lana argitaratzeko.
  • Saritutako lanak eta aukeratutako beste batzuk argitaratzeko, paperean edo formatu digitalean. Dena den, saridunak ez diren egileen lanak argitaratu baino lehen euren baimena eskatuko du Kultura Sailak.
  • Erakusketa baten bidez zabaldu ahal izango ditu saridunen eta aukeratuen lanak.
  • Saritutako lanak Bilboko Udalaren web orrian eta sare sozialetan zabaltzeko eta argitaratzeko.

2018ko otsailetik aurrera, egileek askatasuna izango dute beraien lanak nahierara erabiltzeko.

  1. Parte-hartzaileen erantzukizuna

Parte-hartzaileen erantzukizuna izango da aurkeztutako lanek bestelako egile-eskubiderik ez izatea, baita irudi-eskubide edo antzekoengatiko edozein erreklamazioren ardura ere.

Era berean, lanen autoretzarekin lotutako edozelako erreklamazioak artisten ardurapean egongo dira.

  1. Epaimahaia:

Aditutako epaimahai batek irabazleak aukeratuko ditu. Komiki arloko 3 adituk osatuko dute epai-mahaia.

Lehiaketaren epaia komiki-lehiaketako sari-banaketan jakinaraziko da, urriaren 21ean, 12:00etan.

  1. Aurkeztutako lanak

Antolatzaileek aurkeztutako lanak babestuko dituzte (originalak badira), eta horien zuzentasunaren ardura izango dute.

Sari-banaketa egin ondoren, 15 eguneko epea izango dute parte-hartzaileek euren lanak itzultzeko eskatu ditzaten. Bestela, Udalak suntsitu egingo ditu eskatu ez zaizkion lanak.

  1. Bestelakoak:

Lehiaketa honetan parte hartzeak oinarri guztiak onartzea dakar.

Antolatzaileek beharrezko diren aldaketak egin ditzakete lehiaketak ondo funtzionatu dezan.

Parrapean… eta hirugarrena

Amaitu ziran ‘Parrapean-Komiki Egunak’.  Euskal Komikigintzan espezializatu den jaialdi honen hirugarren edizioa pasadan urriaren azken astean burutu zen Begoñako eta Santutxuko hainbat lekutan. Erakusketak, omenaldiak, liburu aurkezpenak eta zuzeneko emanaldiak ez ziran falta.

Komiki egunen Laburpen modura ondorengo bideoa argitaratu da

 

Ardatz bi izan ditu aurtengo Parrapean jaialdiak. Bat Antton Olariaga. Ilustratzaile handia Bilbon omendua izan da. Bere komikigintzan egin duen 14716345_10207730715726978_6517010265816760393_nibilbidea errepasatzen duen  Marra eta Hitza erakusketaren antolatu zen Begoñako liburutegia.  Aurtengo Joseph Camino saria berak jaso du ere.

Bigarren ardatza, Kataluniako komikigintza izan zen. Mahai-inguru bat antolatu zen urriaren 28an Santutxuko Udaltegian. Merçe Canela, Cavall Forteko zuzendaria eta  Cristina Losantos eta Oriol Garcia komikigileak, elkarrizketa luzean aritu ziran Xabiroiko zuzendaria den Dani Fanorekin. Ekitaldia zuzentzen Igor Leturia  komiki aditua primeran ibili zen. Ideia eta esperientzia truke emankorra izan zen duda barik.

Bilboko Casal Bilbaoko lagunek, arratsaldea girotu zuten Karmelo plazan egindako Castanyadarekin.

img_20161029_182948

Euskal komiki aurkezpenak ere izan ziran: Harkaitz Cano eta Iñaki Holgadok “Museo bilduma”. Gregorio Muro “Harriet”ek eta Daniel Redondok “Ion eta Mirka” , 80. hamarkadan kaleratutako komikiaren berrargitarapena, orain Harriet edicionesen eskutik kaleratu da. Ion Iñaki Artetxe izan zen liburu honen aurkezle bikaina, eta baita geroago aurkeztu zen liburuarena ere, S.O.S Lusitaniarena. Kasu honetan, Parrapean jaialdira Patrice Ordas, komikiaren gidoigilea,  bretainiatik heldu zen zuzenean Santutxura komikia aurkeztera.

 

‘Wanne – Eickel Martutene’  izeneko erakusketak Marlene Krause eta Irkus Zeberioren lanak Bilbora ekarri zituen. Erakusketa Begoñako liburutegian emandako tailerrarekin osatu zuten:  ‘Danbalahara! Euskal onomatopeiekin lanean’ .  Bidebarrietako liburutegian “Komikiak gerra zibilean” erakusketa antolatu zen.

Urtez-urte indar gehiago hartzen duen euskal komiki merkatua ere Karmelo plazan izan zen.

Komiki Egunak La Nube pubean bukatu ziren. Bertan 4 komikigile aurrez aurre jarri ziren marrazketa dema interesgarrian. Axpi, Josevisky, Oriol Garcia eta Sussana Garcia.

Zuzeneko ekitaldiaren ostean, publikoa gehiagoren zai geratu zen. Baina hori, behar bada, datorren urtean izango da, Parrapean komiki egunen IV edizioan.

 

 

 

 

Parrapean 2015 laburpena

Urriaren 24tik urriaren 31ra, Parrapean Komiki Egunak  Bilboko Begoña auzoan ospatu ziran.  Hitzaldiak, tailerrak, mahai-inguruak, Komiki tailerrak, Parrapean komiki txapelketa, liburu-aurkezpenak, euskal komikien bigarren azoka, erakusketak…  Post bakar batean dena laburbiltzea ez da batere lan erraza.  Horretarako argitaratu da beherago daukazuen bideoa.

Bereziki polita Gregorio Muro Harrietek “Joseph Camino” saria jaso zuen unea. Komikigintzan izandako ibilbide luzea aintzat hartuta, saria jasotzeaz aparte, berari eskainiak izan ziran jardunaldietako hainbat ekitaldi. Bere ibilbide profesionala azalduz  erakusketa bat, Justin Hiriart-en berrargitaratzearen aurkezpena eta bere animazio filmeen emanaldiak.IMG_20151031_121336


Komiki eta gidoigile emankorra izan zen Harriet, 80ko hamarkadan
euskarazko komiki ugari egin zituen, batez ere Habeko Mik-en eta Erein argitaletxean: Justin Hiriart, Sorgin seinalea, Eguzkiaren izerdia eta Simon Besaluze sailak, Ion eta Mirka, Hontza, Hermes, Indianoa… Lan horietako asko hizkuntza anitzetan argitaratu ziren eta nazioarteko sari ugari irabazi zituzten. Animazioan eta zineman ere arituko zen gerora, gidoigile eta zuzendari.

Derrigorrez aipatu behar dugun ekitaldia “Trapuak IMG_20151031_195033Kakoan”, urriaren 31an, Santutxuko Udaltegian Performance baten erara uztartu zituena literatura, komikia eta musika. Zuzenean egin zituzten Mikel Mardonesek eta Asisko Urmenetak euren irudiak. Inun kantariaren musika lagundurik, Lutxo Egiak eraman zuen aurrera ekitaldia Arturo Campion, Gabriel Aresti eta Juan Antonio Moguel soka beretik lotuz.  Balorazioa: Chapeau!! 

IMG_20151031_204043

Trapuak kakoan: Inun, Asisko Urmeneta, Mikel Mardones eta Lutxo Egia

Parrapean komiki egunak: lehen erakusketak martxan

unnamedParrapean-Komiki Egunak euskal komikian espezializatutako Bilboko jaialdia da. Erakusketa birekin hasi da ekimen komikizalea, Harriet: komikiaren adorea erakusketarekin Begoñako liburutegian, eta baita bigarren erakusketa batekin: Marika Vila, emakume ahotsa. Estereotipoak apurtzen. Begoña auzoko udaltegian dago ikusgai.

Halere, komiki-jaialdiaren egituratuaren eduki nagusiak urriaren 24tik 31ra bitarte egingo dira. Horrekin  batera, jaialdiak eman ohi duen Joseph Camino ohorezko saria Gregorio Murok jasoko du. “Egin duen lan handiaren aintzatespen gisa, 80ko hamarkadan euskal komikiaren g20151019_132935arai goreneko egile azpimarragarrienetakoa izan baitzen”.

Egitarauaren harira, zenbait ekitaldi azpimarratuko ditugu: Korsarioen Ostatua (Dani Fano eta Guillermo Gonzalez) komikiaren aurkezpena; Gabriel Aresti: BioGrafikoa (Adur Larrea) komiki-lanaren aurkezpena; Komikiak sortzen izenburuko tailerrak; emakumeen eta komikiaren arteko harremanari buruzko mahai-ingurua; Euskal Komikien Azoka…

Gogoratu ekitaldi guztiak Begoña eta Santutxu auzoetako udaltegietan egingo direla.

 

Irudientan Harriet: Komikiaren adorea eta Marika Vila, emakume ahotsa erakusketen irudiak.

 

II. Parrapean Komiki lehiaketa

Badator berriro euskal komikigintza sustatzeko asmoarekin iaz Bilbon sortu zen jaialdia, Parrapean . Aurtengo edizioaren baitan, makina bat ekitaldi antolatu dira:  erakusketak, euskal komiki aurkezpenak, egileekin solasaldiak, tailerrak, komiki azoka, animazio emanaldiak… urriaren 24tik 31ra ospatuko da Santutxu-Begoña aldean. Baina laster izango duzue guzti honen berri.parrapean
Gaurkoan,  II. Parrapean Komiki Lehiaketaren aurkezpenarekin gatoz.
Lehiaketaren oinarriak:
  1. Parte-hartzaileak
    14-17 urte bitarteko guztiek parte har dezakete lehiaketan, bai bakarka baita taldeka ere.
  2. Kategoria:
    Kategoria bakarra izango da: euskarazko komikia edo testurik gabeko komikia.
  3. Gaia eta formatua:
    Gaia librea da, baina protagonistak pertsonaia originalak izan behar dira, baita istorioa ere. Pertsonaiak eta istorioa, biak, sortze-lan propioak eta argitaratu gabeak izan behar dira.
    Obraren teknika librea da.
    Kolorez edo zuri-beltzean aurkez daitezke lanak.
    Lanak derrigorrez 2 orrialdekoak izan behar dira, A4 tamainakoak eta formatu bertikaldunak. Posible bada, paperean ez ezik, lanak formatu digitalean (jpg.) ere aurkeztu.
  4. Hizkuntza:
    Lanak euskaraz aurkeztu behar dira edo testurik gabeko komikia ere izan daiteke.
  5. Aurkezteko era:
    Lanetan ezin da egilearen izena agertu. Titulua edo gaia erabili behar da obra aurkezteko, eta gutun-azal batean entregatuko da eta ez da jarriko ez sinadurarik ez izenik.Gutun-azal horren barruan beste txikiago bat sartu behar da, titulu edo gai bera erabilita. Gutun-azal txikiaren barruan dokumentazio hau aurkeztu behar da:
  • Honako datu hauek azaltzen dituen agiria: egilearen izen-abizenak, harremanetarako telefono-zenbakia, ikastetxea, jaioteguna, helbidea eta helbide elektronikoa.
  • NANaren fotokopia (edo jatorrizko nazioko antzeko agiriarena)
  • Egilearen erantzukizunezko adierazpena, idazlana orijinala, argitaratu bakoa eta beste lehiaketaren batean saritu gabea dela ziurtatuzLana zenbait egileren artean egiten badute, guztiek aurkeztu behar dute dokumentazio hori.
  1. Lanak aurkezteko lekua eta eguna:
    Lanak eskuan entregatu ahal dira, edo postaz bidali, helbide honetan:
    Begoñako Liburutegia
    Circo Amateur Club Deportivo k. 2
    48004 BilboOrdutegia: astelehenetik barikura, 09:00- 20:30 (astelehen goizez itxita dago) eta zapatuetan, 10:00-14:00.
    Obrak aurkezteko epea, urriaren 19ra arte izango da (data-tarte horretan Correos-eko zigilu-marka duten lanak onartuko dira).
  2. Sariak:
    Hiru sari hauek banatuko dira (nahiz taldea, nahiz norbanaka izan):                                             Lehen saria: Intuos Art Tablet  + Xabiroiren eskutik Xabiroi album bat eta lau ale + marrazteko materiala Goyaren eskutik + BERTON aldizkarian argitaratzea + Diploma.
    Bigarren saria: Xabiroiren eskutik Xabiroi album bat eta lau ale + komiki sorta Bilboko Udal liburutegien eskutik  + marrazteko materiala Goyaren eskutik + Diploma.
    Hirugarren saria: Xabiroiren eskutik Xabiroi album bat eta lau ale + marrazteko materiala Goyaren eskutik + Diploma.
  3. Sari-banaketa
    Sari-banaketa urriaren 31n, zapatuan, goizeko 12:00etan, izango da “Parrapean komiki egunak” topaketen baitan, Begoñako Udaltegian.
    Irabazleek sariak banatzeko ekitaldian egon beharko dute, edo bestela haien ordez norbaitek jasoko du.
  4. Lanen jabetza:
    Irabazleek zein aukeratutako guztiek lanak argitaratzeko eta zabaltzeko eskubidea emango diote Bilboko Udaleko Kultura Sailari, emandako sariaz gain, ezer ordaindu barik.Kultura Sailak eskubide hori erabili ahal izango du honetarako:
  • Baimena emango dio Berton aldizkariari irabazlearen lana aldizkarian argitaratzeko.
  • Bere kabuz argitaratu ahal izango ditu saridunen lanak eta beste lan aukeratuak, paperean edo formatu digitalean. Dena den, saridunak ez diren egileen lanak argitaratu baino lehen euren baimena eskatuko du Kultura Sailak.
  • Erakusketa baten bidez zabaldu ahal izango ditu saridunen eta aukeratuen lanak.

2016eko otsailetik aurrera, egileek askatasuna izango dute beraien lanak nahierara erabiltzeko.

  1. Parte-hartzaileen erantzukizuna
    Parte-hartzaileen erantzukizuna izango da aurkeztutako lanek bestelako egile-eskubiderik ez izatea, baita irudi-eskubide edo antzekoengatiko edozein erreklamazioren ardura ere.
    Era berean, lanen autoretzarekin lotutako edozelako erreklamazioak artisten ardurapean egongo dira.
  1. Epaimahaia:
    Aditutako epaimahai batek irabazleak aukeratuko ditu. Komiki arloko 3 adituk osatuko dute epai-mahaia.
    Lehiaketaren epaia “Parrapean”en prentsaurrekoan jakinaraziko da.
  1. Aurkeztutako lanak
    Antolatzaileek aurkeztutako lanak babestuko ditu (originalak badira), eta horien zuzentasunaren ardura izango dute.
    Sari-banaketa egin ondoren, 15 eguneko epea izango dute parte-hartzaileek euren lanak eskatu ditzaten. Epe horretan eskatzen ez badituzte, Udalak suntsitu egingo ditu eskatu ez zaizkion lanak.
  1. Bestelakoak:
    Lehiaketa honetan parte hartzeak oinarri guztiak onartzea dakar.
    Antolatzaileek beharrezko diren aldaketak egin ditzakete lehiaketak ondo funtzionatu dezan.Antolatzaileak: Liburutegiak – Kultura Saila – Kultura Barrutik
    Laguntzaileak: Berton aldizkaria + Goya + Xabiroi

Parrapean Komiki Lehiaketa

“Parrapean komiki egunak” topaketen baitan, Bilboko Udaleko Kultura eta Hezkuntza Sailak I. Parrapean Komiki Lehiaketa deitu du.
14-17 urte bitarteko gazteek parte har dezakete lehiaketan, bai bakarka baita taldeka ere.
parrapena-bases-diptico-A5

Lehiaketaren oinarri osoak hauek  dira:

  • Parte-hartzaileak
    14-17 urte bitarteko guztiek parte har dezakete lehiaketan, bai bakarka baita taldeka ere.
  • Kategoria
    Kategoria bakarra izango da: euskarazko komikia edo testurik gabeko komikia.
  • Gaia eta formatua:
    Gaia librea da, baina protagonistak pertsonaia originalak izan behar dira, baita istorioa ere. Pertsonaiak eta istorioa, biak, sortze-lan propioak eta argitaratu gabeak izan behar dira.
    Obraren teknika librea da.
    Kolorez edo zuri-beltzean aurkez daitezke lanak.
    Lanak derrigorrez 2 orrialdekoak izan behar dira, A4 tamainakoak eta formatu bertikaldunak. Posible bada, paperean ez ezik, lanak formatu digitalean (jpg.) ere aurkeztu.
  • Hizkuntza:
    Lanak euskaraz aurkeztu behar dira edo testurik gabeko komikia ere izan daiteke.
  • Aurkezteko era:
    Lanetan ezin da egilearen izena agertu. Titulua edo gaia erabili behar da obra aurkezteko, eta gutun-azal batean entregatuko da eta ez da jarriko ez sinadurarik ez izenik.
    Gutun-azal horren barruan beste txikiago bat sartu behar da, titulu edo gai bera erabilita. Gutun-azal txikiaren barruan dokumentazio hau aurkeztu behar da:

    • Honako datu hauek azaltzen dituen agiria: egilearen izen-abizenak, harremanetarako telefono-zenbakia, ikastetxea, jaioteguna, helbidea eta helbide elektronikoa.
    • NANaren fotokopia (edo jatorrizko nazioko antzeko agiriarena)
    • Egilearen erantzukizunezko adierazpena, idazlana orijinala, argitaratu bakoa eta beste lehiaketaren batean saritu gabea dela ziurtatuz.

Lana zenbait egileren artean egiten badute, guztiek aurkeztu behar dute dokumentazio hori.

  • Lanak aurkezteko lekua eta eguna:
    Lanak eskuan entregatu ahal dira, edo postaz bidali, helbide honetan:Begoñako Liburutegia (Circo Amateur Club Deportivo k. 2, 48004 Bilbo)
    Ordutegia: astelehenetik barikura, 09:00- 20:30 (astelehen
    Goizez itxita dago) eta zapatuetan, 10:00-14:00.Obrak aurkezteko epea hilabetekoa izango da, urriaren 15etik azaroaren 15era (data-tarte horretan Correos-eko zigilu-marka duten lanak onartuko dira).
  • Sariak:
    Hiru sari hauek banatuko dira (nahiz taldea, nahiz norbanaka izan):
    • Lehen saria:
      Intuos Pen Tablet  + Xabiroiren eskutik Xabiroi album bat eta  lau ale + marrazteko materiala Goyaren eskutik + 2015eko  urtarrileko BERTON aldizkarian argitaratzea + Diploma.
    • Bigarren saria:
      Xabiroiren eskutik Xabiroi album bat eta lau ale + komiki sorta
      Bilboko Udal liburutegien eskutik  + marrazteko materiala
      Goyaren eskutik + Diploma.
    • Hirugarren saria:
      Xabiroiren eskutik Xabiroi album bat eta lau ale + marrazteko materiala Goyaren eskutik + Diploma.
  • Sari-banaketa
    Sari-banaketa azaroaren 29an, zapatuan, arratsaldeko 18:00etan, izango da “Parrapean komiki egunak” topaketen baitan, Begoñako Udaltegian.
    Irabazleek sariak banatzeko ekitaldian egon beharko dute, edo bestela haien ordez norbaitek jasoko du.
  • Lanen jabetza:
    Irabazleek zein aukeratutako guztiek lanak argitaratzeko eta zabaltzeko eskubidea emango diote Bilboko Udaleko Kultura eta Hezkuntza Sailari, emandako sariaz gain, ezer ordaindu barik.Kultura eta Hezkuntza Sailak eskubide hori erabili ahal izango du honetarako:Baimena emango dio Berton aldizkariari irabazlearen lana 2015eko urtarrileko aldizkarian argitaratzeko.Bere kabuz argitaratu ahal izango ditu saridunen lanak eta beste lan aukeratuak, paperean edo formatu digitalean. Dena den, saridunak ez diren egileen lanak argitaratu baino lehen euren baimena eskatuko du Kultura eta Hezkuntza Sailak.
    Erakusketa baten bidez zabaldu ahal izango ditu saridunen eta aukeratuen lanak.2015eko otsailetik aurrera, egileek askatasuna izango dute beraien lanak nahierara erabiltzeko.
  • Parte-hartzaileen erantzukizuna
    Parte-hartzaileen erantzukizuna izango da aurkeztutako lanek bestelako egile-eskubiderik ez izatea, baita irudi-eskubide edo antzekoengatiko edozein erreklamazioren ardura ere.Era berean, lanen autoretzarekin lotutako edozelako erreklamazioak artisten ardurapean egongo dira.
  • Epaimahaia:
    Aditutako epaimahai batek irabazleak aukeratuko ditu. Komiki arloko 3 adituk osatuko dute epai-mahaia.
    Lehiaketaren epaia “Parrapean”en prentsaurrekoan jakinaraziko da.
  • Aurkeztutako lanak
    Antolatzaileek aurkeztutako lanak babestuko ditu (originalak badira), eta horien zuzentasunaren ardura izango dute.Sari-banaketa egin ondoren, 15 eguneko epea izango dute parte-hartzaileek euren lanak eskatu ditzaten. Epe horretan eskatzen ez badituzte, Udalak suntsitu egingo ditu eskatu ez zaizkion lanak.
  • Bestelakoak:
    Lehiaketa honetan parte hartzeak oinarri guztiak onartzea dakar.Antolatzaileek beharrezko diren aldaketak egin ditzakete lehiaketak ondo funtzionatu dezan.