Jose Carlos Torrek bultzatutako proiektua dugu Rumble. EHUren babesarekin, 2009ko urtarrilean sortu zen bizkaiko Arte Ederretako fakultatearen ingurutik eta 2012ko uztailerarte 11 zenbaki argitaratu dituzte.
Aldizkarian gazteleraren nagusitasuna bistakoa izan arren, euskararen presentzia nabarmenki igoz doa azken zenbakietan. Adibidez euskal komikigintzan Dani Fano bezalako “klasiko” baten kolaborazioa aurkitu dezakegu Amaia Ballesteros edo Josean Morles moduko izen berrien ondoan. Bitxikeria bezala aipatu daiteke Rober Pelaez komikigile katalanaren adibidea. Berak jatorriz katalanez idatzitako lanak euskaraz aurkezten ditu Rumblek azken zenbakietan.
Aldizkaria kolaboratzaile gehienentzat euren lehenengo lanak publikatzen hasteko bide bat den arren, badira beste batzuk eskarmentu handiagoa daukatenak komiki argitalpenen alorrean, Infame & Co adibidez (Astiberri eta Dolmen argitaletxeetan).
Komikigintzaren alde teorikoa ere lantzen du Rumblek Josuñe Muñoz edo Irene Costa Mendia komiki ikerlarien artikuluetan.
Aldizkariaren zenbakiak zuzeneko lotura honen bitartez kontsultatu daitezke: issuu.com/rumble
komikeri 