Bere burua eta bere bloga honela aurkezten du “Beltzaran jauna” laudiotarrak. Laudiotarra edo Aretarra, ziur ez gaude, baina Beltzaran honen atzean dagoena Edorta Moreno komikigilea eta komiki-blogaria dela hori seguru dakigu.
Blogaren aurkezpen dinamikoa ikusteko bideo hau argitaratu zuten iaz:
Honela aurkezten digu berak sortutako bloga:
“Laudiotik, Aiaraldetik, Euskal Herritik… mundu osora zabaltzeko. Helburu bakar batekin sortu izan dut Tintazko flemak bloga: euskarazko komikigintzari bultzada txikitxo bat ematea. Egunero (edo ia egunero) joango naiz komikiak igotzen, egunerokotasuna eta umorea hizpide hartuko direlarik eta beti-beti irakurlearen aurpegian irriño bat margoztea xedetzat harturik. Ez galdu denbora gehiagorik aurkezpen eskas hau irakurtzen eta segi blogean kuxkuxeatzeari!”
Beraz kuxkuxeatzen hasteko sakatu hemen.