Komikizaleok domekan, Basaurin hitzordua

Krisi garaian bizi garenez ondo eskertuko dute tebeozaleek Basauri aldean, Pozokoetxe Kultur Etxearen inguruan, sortu duten ekimen berria. Bigarren eskuko eta okasiozko komikietarako Euskal Herrietan egiten den lehenengo azoka, oker ez bagaude.

Komiki azoka batzuk egonkortuz doaz urteko kultur egutegian,  Getxokoa edo Komikirun edo Iruñakoa adibidez. Basauritik datorren proposamena, berriz, formatoaren aldetik ezberdina da. basauriLiburu berrien salmentaren gainetik bigarren eskuko edo autoeditatuak izan diran komikiak bultzatuko dira, azken hauek, sarritan, komiki negoziotik eta distribuzio sareetatik at geratzen direnak.

Ziurtatu diran hamairu standekin hasiera bikaina izan dezake Basauri Komik Azokak, ia ganeko urteetarako ezinbestekoa bihurtzen zaigun aurtengo hitzordua.

28an zabalik:  11.30tik  -14.30ra eta 17.00tik – 20.00ra bitartean

Basauriko Arizko dorretxean.

Azokan, liburu aurkezpenak

Liburu salmentaz aparte Kultur ekitaldi batzuk ospatuko dira ere, besteak beste, Rober Garay, Álbër Palomera eta Sergio Sánchez Isasik “Tratado de

305778_462479707170545_1833585835_n (1)

 Tritones” liburua aurkeztuko dute goizeko 12etan Ariz dorretxean (gazteleraz).

Bestalde, Gorka Velasco egileak ,13:00etan, bere “Gaur egungo BeHIaK” liburua aurkeztuko digu.     Bigarren Hezkuntzako institutu bateko irakaslea da Gorka eta irudi eta esaldi laburren bitartez bere lanbidearen gaineko    hainbat burutapen eta  “aho biko” pentsamenduak lagatzen dizkigu.

Beraz komikizale kutunok badakizue, domeka honetan Basaurin daukazue hitzordua.

Advertisements

“Preso nago II” plazaratuko dute hil honetan

Kartzelaren erraiak ondo ezagutzen dituen Mikel Orbegozo komikigile donostiarrak hilabete honetan plazaratuko du bere bigarren komiki liburua.  “Preso nago”ren ondotik “Preso nago II” dator Ataramiñe argitaletxearen eskutik.

Mikel Orbegozo (Intxaurrondo, 1979) Badajozen dago preso. 2005. urtean © Ataramiñe / Mikel Orbegozoatxilotu zuten, eta Leonen egon da, iaz lekuz aldatu zuten arte. Agurtzane Altuna kazetariak Donostiako Hitza aldizkarian azaltzen duenez  “ironia eta umore puntu bat erabiltzen ditu normalean Mikel Orbegozok bere marrazkietan, baina begirada zorrotza du, eta preso egon arren, gertu gertutik jarraitzen ditu kalean puri purian dauden gaiak, eta halaxe ikus daiteke bere komikietan. Langabezia, ustelkeria, banketxeak, etxebizitza, hezkuntza lege berria… Asko dira jorratzen dituen gaiak.”

Erakusketa Donostiako  Rekalde tabernan

Liburuaz gain, Gallina Vasca eta Herria 2000 aldizkarietan ere argitaratzen ditu Mikelek bere lanak. Horietako batzuk Parte Zaharreko Rekalde tabernan daude orain ikusgai. Mikel Orbegozoren kuadrillakoek egin dioten keinu bat da, bere lana goraipatu, eta jendeak bere egoera ezagutzea nahi baitute. Denboralditxo batez egongo dira Mikel Orbegozoren berrogei bat komiki Rekalde tabernan erakusgai. Gainera, preso donostiarrak egindako marrazki batekin egindako txapak ere egongo dira salgai, eta Preso nago, komiki liburua ere bai, noski (iturria: Donostiako hitza).

Bartzelonan, komiki duelu izugarria

Gaur hasi eta domekararte FICOMIC, Bartzelonako Komiki Azokak, ateak zabalik izango ditu. Aurton 31. edizioa ospatzen da. Urtero bezala bertatik pasatuko dira nazioarteko hainbat egile kaleratu dituzten lan berriak erakusteko asmotan: autoreak non, eta sinatzeko ordutegiak hemen dituzue.

Ba Komiki Azokarekin data eta baita gaia partekatuz (westernak), hiru euskal artista Bartzelonako Euskal Etxean erakusketa  zabaldu dute datorren 27rarte: Crossfire.  Hiru “gaizkileen” izenak  hemen doaz: JoseviskyIrati F.G. eta Xabier Sagasta dira. 

Baina ez da hor amaitzen  gaur, hilak 11a, gabeko 20.00etan, euskal etxean  aurrez-aurre jarriz, egile bakoitzak lehendik egindako komiki bat aurkeztuko du eta beste marrazkilariek lan horren ikuspuntu berri bat proposatuko dute errukigabeko duelu batetan.

Beraz, Bartzelona aldean bazabiltza, komikiak eta westernak gustukuak badituzu ez galdu gaurko desafioa.

Baina ez komikirik txarrena

Munduko komiki-haize freskoari leiho bat zabaldu dio Txalaparta argitaletxeak azken orduko sorpresa atsegin batekin. Zer eta J. C. Fernandesen Munduko bandarik txarrena euskaraz argitaratua, nazio arteko komiki adituen aldetik makina bat laudorio jaso dituen lana (merezitakoak gure iritziz). Bego Montoriok euskaratua, Harkaitz Canoren hitzaurrearekin.

Munduko bandarik txarrenak jostundegi bateko sotoan entseguak egiten ditu , eta orkestra horretako kideen © Txalapartagorabehera kaotiko eta kafkianoak  dira José Carlos Fernandes portugaldarrak  188 orrialdeko zabaleran kontatzen dituena. Suposatzen dugu ale honek serie modura planteatutako historiaren lehenengo hiru liburukiak biltzen dituela, Astiberrik gazteleraz argitaratutako orri-kopuru berarekin baitator. Portugalen ordea, (eta baita Frantzian ere), Munduko bandarik txarrena sei istorio edo liburuki ezberdinez osaturik dago.

Euskal komiki merkatuaren mugak ezagunak ditugu eta ikuspuntu horretatik Txalapartak

© Kuentro 2

euskarazko eta kalitatezko  komikigintzaren alde egin duen urratsa ausarta da. Baina Munduko Bandarik txarrena komiki eder bat izateaz gain, lan literario onenaren ezaugarri guztiak ditu.  Borges, Kafka, Pessoa aipatzen dute kritikari batzuek, hitzaurrean Nabokov aipatzen den bezala. Edo gaur eguneko terminologia erabiliz, eleberri grafikoaren esparruan koka  dezakegun lana da “A pior banda do mundo”. Azken finean literatura bai, ez , eleberri grafikoa izan ala ez izan, ziurtatu dezakegun gauza bakarra zera da: Munduko bandarik txarrena arte lan fina dela, hori seguru.