Azken garaipena

2011ko urrian argitaratua, hilabete bat beluago Getxoko azokan Xabiroi  eta Ikastolen Elkarteko standean aurkitu genuen, labetik atera berri-berria.  Iban Zaldua eta Julen Ribas han zeudela aprobetxatuz ale bat erosi genuen euren eskutik sinatutako dedikatoria eta guzti. Etxerako bidean, metroko ibilbide laburrean, lehenengo orrialdeak irakurri eta aitortu beharra dago liburuaren argumentuak erabat harrapatu gintuela.

Goazen harira. 2052.eko Germanian naziak daude agintean.  ”Ubide handian” hildako bat aurkitu dute. Sigrid Frisch tenientearen kasua da. Hiru pista ditu hildakoaren nortasuna eta kasuaren nondik norakoak argitzen hasteko. Bat, hildakoa zilborduna da zilbordunbako herrialdean, bi, garagardoz beterik du zilborraren barrukaldea, hau da sabela, hiru, bere eskubarruan tximurtutako paper puska bat aurkitu diote.

Zientzia fikzio eta gai poliziakoaren erdibidetik ederki darama Ibanek istorioaren trama, eta igartzen zaio literaturan daukan eskarmentu handia komikiaren alorrera primeran igarotzen dakiela. Irakurleak, Julenen irudi garbiaz  baliaturik, errez pasatzen du eszenatoki batetik bestera, hemen kontatuko ez dugun amaiera bitxi batera ailegatu arte.

Beraz esan bezala, momentuz hemen duzu zure gozamenerako, Iban eta Julenen “Azken garaipena”

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s