Jon Zabaleta Hernanin jaio zen 1950 urtean. Mutikotan pankartak egiten zituen, jai egunetarako kartelak eta irudiak; gaztetan, txiste grafikoak eskuz egindako eta isilean zabaldutako aldizkarietarako. 1971-1974 tartean Debako Arte Eskolan izan zuen marrazten jarraitzeko aukera eta ofizioaren lanabesak erabiltzen trebatu zen. Hantxe ezarri zituen bere iruditeria propioaren oinarriak. Handik aurrera, etengabe sortu zitzaizkion enkarguak liburuak eta bestelakoak ilustratzeko. Euskal komiki berriaren aitzindarietako bat izan da, hainbat egunkari eta aldizarietan bere lanak ezagutzera emanez. Komikia izeneko Zeruko Argiaren gehigarrian, ibilbide laburra izan zuen Berriak aldizkarian baita Ipurbeltz,Egin, Garaia, HABE edo Euskadi Siouxen ezagun asko egin ziren Jonen komikiak, eta bere ilustrazioak euskal idazle ugariren testuen ondoan aurki daitezke.
komikeri 