Tag Archives: Aritz Trueba

maiatza 26 2022

Natasha, bihar aurkezpena Donostiako Komikigunean

Bihar Donostiako Komikigunean Natasha eleberri grafikoaren aurkezpen ofiziala egingo da. Han izango dira komikiaren egileak: Koldo Almandoz (gidoigilea) eta Aritz Trueba (ilustratzailea). Koldo Almandoz 90 hamarkadan Napartheid fantzine mitikoaren parthaidea izan zen, Odlok bezala sinatzen zuen. Zitroi ur komikiak lan kolektiboaren koordinazio lanetan ere aritu zen. Ondoren, komikian baino, zinemagile eta kazetaria bezala nabarmendu da Almandoz. Aritz Truebaren lana ezagunagoa da guretzat, azken boladan Bujan komikiak izan duen oihartzun zabalaren eraginez.

Aipatu behar dugu gainera Farmazia Beltza argitaletxearen lana. Komiki berriak argitaratuz bide interesgarri bat zabaltzen ari da. Hau argitaletxearen bosgarren komikia dugu.

Aurkezpenaren informazioa:

KOMIKIGUNEA: “Natasha” komikiaren aurkezpena
Ostirala, 27. Maiatza 2022, 11:00 – 12:00
Koldo Mitxelena Kulturuneak antolatutako komikiaren aurkezpena: “Natasha” Partaideak: Koldo Almandoz (gidoia) eta Aritz Trueba (marrazkia) (Hizkuntza: euskara)

Ots 5 2020

Angulema, komikiaren urteroko topagunea

Aurreko post batean Angulemako euskal egileen hitzorduak aipatu genituen. Guztiak han izan zirela ziurta dezakegu, eta ziurta dezakegu ere betiko giro onean joan zela Angulemako jaialdiaren 47. edizioa.

Aritz Trueba Bujan komikiaren ilustratzailea Akileosen standean aurkitu genuen eta gertu, Harriet etxeko hiru mosketariak (denak batentzat eta bat guztientzat!), Harriet, Alex eta Garluk, La Honte et l’Oubli albumaren sinaketan. Ez genuen Dani Fano harrapatu Rackham editionseko standean, … eta amaitzeko, Erresistentziaren Museoaren baitan lanean ibili ziren Marko eta Iñaki Holgado. Argazkian euren komikiaren gidoilaria izan den Jean-Yves Le Naour histolariarekin daude.

  • 1
  • 2
  • 3

Erakusketen maila beti bezala izugarria izan zen. Bat aipatzekotan Lewis Trodheimen erakusketa APARTA aipatu behar dugu. Ezin baino hobeto antolatua, oso modu fresko eta originalean aurkeztua eta edukinen aldetik aparta.

Ostiral iluntzerako La Giraffe tabernan urteroko zita jarrita zegoen. La Giraffe bihurtu zen berriz ere euskal komikiaren ZERO GUNEA ordu batzuetarako. Handik igaro ziren guztiak ez dira post honetan kabitzen…

Manga komiki baten norabidea jarraituz: Aritz Trueba, Garluk Agirre, Julen Ribas, Belatz eta Mikel Begoña
argazkiaren © Aritz

Ea datorren urtean leku berean, berriz ere, elkar ikusten dugun!

    Api 10 2015

    Buyan, Mongoliatik helduko den komikia

    Buyan, seguruenik, 2016 aldera kaleratuko den euskal komikia dugu. Buru-belarri istorioa osatzen bost lagun dabiltza. Martin eta Xabier Etxeberria anaiak, idazleak biak, Aritz Trueba, Jon Mikel Udakiola eta Josu Igoa ilustrazio zein animazio alorretan esperientzi handikoak. Batu Khan pertsonaia historikoa dago istorioaren oinarrian (Gengis Khan handiaren oinordekoa izan buyan_nzana) baina Mansi pertsonaia hartzen du protagonistaren papera, hau uste dugu fikziozko pertsonaia dela. Baina dena argituko da komikia gure eskuetara heltzen denean. Animo mutilak!

    (irudia: facebook-eko Buyan: luma beltza lekutik hartua)